تجيب فل في الفاينل تزيد درجة الدوريات ؟+فكرة ترسيب نفسي وإعادة الاختبار صيفا للتعويض؟

[Dina-s-b]

شوف انت دحين لاقدر الله رسبت نفسك فالفيزيا والرياضيات معدلك راح يصير ممكن 2 ..حتى لو اخدت فالصيفي 5 من 5 راح يكون معدلك تقريبا 3 وقتها لانو في شي اسمو معدل تراكمي وهادا المهم فراح يتاثر التراكمي بالمعدل الاول اللي هوا 2..فهادا مو من صالحك..
اما موضوع الفل مارك بالنهائي ما اعرف

فالصيفي محاضرات عاديه زي ايام الجامعه..حسب جدولك بس انت تحدد الجدول..وتختار الشعب برضو ..
وفي حضور وغياب ودوري اول ودوري تاني ونهائي :)
نصيحة ابدا شيل فكرة الرسوب لانو ممكن تنجح بدرجة ضعيفة بس برضو معدلك وقتها حيكون افضل من لمن ترسب وتاخد فالصيفي :)
وابغى اقولك حاجة لا تعتبرها تطفلا مني او شي..بالعكس والله بس عشان تفكر مزبوط..
اول شي ترى التحضيري اسهل بنسبة كبييييييييرة من التخصص..والهندسة راح تكون بالانجليزي ازا مشكلتك فالفيزيا مع الانجليزي..اما لو مشكلتك فيها كمنهج.!! فهادي مشكلة لانو الهندسة تعتمد بشكل كبير على الفيزيا..!!
فشوف انت ازا مشكلتك مع الانجليزي قبل لا تفكر فالهندسة فكر فانك تطور لغتك..اما لو منت ماشي فالفيزيا كمادة..نصيحة لا تضيع سنينك وتندم..:( واختار تخصص اكيد تقدر تضمن فيه نجاحك مايسوى عليك التعب وبعدين تدخل التخصص وتحس انو صعب وتقول ابا اخرج..!! وتتعب مع التحويل وحوسة..
سامحني لو كلامي يزعلك بس لانو كتير حاطين فبالهم تخصصات مو ماشيين هما فأساسياتها وبيضيعو فرص على غيرهم فالنهاية بيلاقو نفسهم مو ماشيين وبيطلعو بعد ما راحت الفرصة على شخص كان ممكن ينجح فدا المجال :) الله يوفقك وان شاء الله تعوض الدرجات ويمكن ما تدري تتفآجأ ان حلولك كانت صح فالاختبار لووول << احلى احساس هههههههههههه
بالتوفيق :)