خطة استذكارية للاختبار النهائية خطة ( أ ) ..

[Ӎṝ.7ṂṍṍḊḽ :)]

السلام عليكم ورحمة الله وبركاته ، كيفكم ان شاء الله بخير .. بما انه الاختبارات ع الابواب حبينا نشترك ونتجمع ونشوف كيف حنذاكر الدروس الي علينا وعشان نكون مجتمعين مع بعض خلونا نشترك من دحين في التخطيط للمذاكرة وكل واحد يقول رايه في هذا الموضوع لانه خلاص زي مانتوا شايفين مابقى شي فالمهم انا راح ابدا بالخطة حقتي ونشوف خططكم انتوا كمان ..
نبدا من يوم السبت الي هو بكرا : -
السبت 18/1 ..
- مراجعة الرياضيات أبندكس a + b + مذاكرة الدرس المعطى في الحصة
- مراجعة الفيزياء شبتر 1 و 2 + مراجعة الدرس المعطى ..
- حل تمارين الـ cd أنجلِش
الاحد 19/1
- مراجعة الرياضيات أبندكس d + مذاكرة الدرس المعطى
- مراجعة الفيزياء شابتر 3 + مذاكرة الدرس المعطى
- لمحة بسيطة عن درس الحاسب
الاثنين 20/1
مراجعة الرياضيات 1.1 - 1.2
- مراجعة الانجلش مع الرايتنج للوحدة
- مراجعة مهارات الاتصال الدروس القديمة وقرائتها
الثلاثاء 21/1
- مراجعة الفيزياء شابتر 4
- قراءة دروس الحاسب وحفظها ( بما انه الاختبار القادم نظري والعملي انتهى اقراء الدرس حتى لو ماشرحه استاذك ) ..
- لاتنسى مراجعة درس الرياضيات او الفيزياء الذي سوف تاخذه في هذا اليوم
الاربعاء ..
راحَة + مراجعة مادة بسيطة أو انجليزي
الخميس ..22/1
فترة صباحية 8 - 12 ..
- مراجعة الرياضيات 1.3 - 1.6 + الدروس الماخوذة في هذا الاسبوع
- مراجعة الانجليزي والدروس المآخوذة في هذا الاسبوع
فترة مسائية .. 2 -7
- مراجعة الفيزياء شابتر 5 و 6 والشابتر الماخوذ في هذا الاسبوع
الجمعة 23/1
8- صلاة الجمعة
- تكملة الدروس الغير مكمل دراساتها ( ان وجد )
- تدون الاسئلة الغير مفهومة و الذهاب الى مدرس المادة او اي مدرس لشرحها
- مراجعة الانجليزي والحاسب
فترة بعد صلاة الجمعة ..
- راحة او اكمال الدروس الغير مفهومة او اكمال اي شي نآقص من الدروس
---------------------------------------------------------

• طبعا تلاحظوا الجدول هذا مضغوط بس لصالحنا .. بحيث يكون عندنا اسبوع زيادة
• نذاكر فيه الدروس ونسال ونراجع مرة واثنين وثلاثة ويكون عندنا وقت حتى لو
• حطوا لنا اختبارين في يوم واحد ..
• طبعا الاسبوع الباقي راح يكون اكمال للمراجعات يعني كله × كله تكميل للشيء الي مافهمناه
• بالاسبوع الثاني.. واذا احنا شاطرين ونظمنا وقتنا حنلاقي عندنا وقت كافي نسوي فيه الي نبغاه لكن اي وقت نحس نفسنت فيه فاضين نفرالنا مادة بسيطة مهارة اتصال او حاسب او نقدر تضيع فيه وقتنا بحل التمارين الصعبة نتدرب عليها ..
• كنا نسمع الي اكبر مننا يتفلسفوا ويقولوا اتعب دحين عشان ترتاحن دحين .. وفي وضعنا الحالي نتعب دا الاسبوع ولا نتعب الاسابيع الي بعده صح التخطيط مضغوط بشكل فظيع بس كل ماذاكرت واجتهد كل ماحتلاقي عندك وقت زيادة
• نذاكر الساكشن او الشاتبر كاننا راح تختبره بكرا يعني نذاكر من قلبنا ونحط اي سؤال ماحنا فاهمينه او اي جزئية مانعرفها نكتبها بورقة او ناشر عليها ونروح نسال فيها استاذنا ..
  
• تنبيه : اذا ماكنا فاهميين الدرس الي يشرحه لنا دكاترتنا نشوف نروح مع التاهيلي نحضر حصصهم يمكن نتستفيد ، او نروح عند مدرس يشرح لنا هي اذا نقدر تجيب مدرس
• الملخصات الموجودة للفيزياء هيَ : -

1. احمد العربي
2. اشرف بركات
3. يوسف زويل
4. طلعت سالم

• الملخصات الموجودة للرياضيات هي : -

1. جمال السعدي
2. طلعت سالم
3. اشرف بركات

• وهذي هي الملخصات الي بيذاكروا منها الطلاب وافضلها على حسب ما سمعت بس لانحط في بالنا ان اذا واحد فهم من دا الملخص اننا راح نفهم منه نشوف الملخص الي يناسبنا ونذاكر منه ..

طبعا قبل ما نذاكر ونجتهد نطلب التوفيق اولا واخرا من رب العالمين والدعاء من الوالدين ..

وطبعا دا الكلام مفروغ منه اما ، الاشياء الباقية نحلل مشكلاتها : -
- نوخر كل شي يلهينا ، [ كورة ، سوني ، تلفزيون ، بلاك بيري ] ولانضيع وقتنا لانه مو محتاج تضييع اكثر من كدا الا بوقت الراحة او بعد مانخلص مذاكرة بشكل كامل ..
- نذاكر واحنا نتسلى .. اذا حسينا نفسنا موش طايقين المذاكرة نسلي نفسنا واحنا نذاكر او نذاكر مادة خفيفة على عقولنا عشان نقدر نستغل كل ذرة في وقتنا
- احب اقول نصيحة هامة جدا .. لاتتحطم وخليك صبور ولاتياس حتى لو باقي بينك وبين الرسوب درجة وحدة اشتغل واجتهد ولاتقول خلاص انا درجاتي ماراح تجمل معايا وماقدر اجيب درجة كاملة في النهائي ان شاء الله اذا ذاكرنا من دحين اول باول حنجيب الدرجة النهائية باذن الله في جميع الاختبارات : )
وفي النهاية اسال الله العلي العظيم لي ولكم السداد والتوفيق في الاختبارات النهائية القادمة