مقارنة مفصلة بين الماجستير العام و الماجستير الخاص وننتظر تعليقاتكم

[عماد الحسن]

المشاركة الأصلية كتبت بواسطة الأمل موجود الله يوفقنا واياكم ياااااااااااااااااارب بس انا مو مثلكم مالي معدل ، لي نسبه مئويه 84 وتخصصي انجليزي متخرجه من جامعة الملك فيصل بالدمام ويوم حولت نسبتي ببرنامج خاص طلع معدلي 4 وفاصله ارقااام ينفع ؟؟؟؟؟؟؟؟؟؟

الله يوفقك أختي وجزاكم الله خيراً للدعوات الطيبة، معدلك طيب جداً ماشاء الله وهو 84% وينفع للماجستير ، من حقك تقدمي على الترجمة المهنية أو الأدب الانجليزي أو غيره بما فيها الماجستير الخاص في القصيم أو جدة، توكلي على الله وجهزي كل الطلبات لحد شهر 3.

المشاركة الأصلية كتبت بواسطة moonymoon أ.عماد ربنا يوفقك ويعطيك حتى يرضيك قول آمين ... أنا قرأت الموضوع من أوله واستفدت كثير ومجهودك واضح جزاك الله خير أنا خريجة بتقدير ممتاز مع مرتبة الشرف ...ولله الحمد لغة إنجليزية ..أبغى اسجل ترجمه مهنية بس يقولوا احتمال يصير فيها زي السنة الماضية <<<وش اللي صار !!!!! ولاعمري دخلت توفل او كفايات وماإلى ذلك...ولا عندي ولا دورة وحده ...بس عندي سنة خبرة فقط لاغير ، بالنسبة للتوفل سجلت وراح اختبر بنهاية يناير بحول الله...والله يسهل يارب سؤالي ... 1-قدرات الجامعيين بشهر 4 والتقديم بيبدأ بشهر 3 هل يمديني أقدم ؟ 2-كيف تتوقع يكون نظام الترجمة المهنية من ناحية المحاضرات لأني معلمة ..ومن خارج جده... 3-هل لابد يكون عندي دورات تدريبية ؟؟ لأني زيرو في الدورات 4-وش توقعاتك لمستقبل الترجمة المهنية ينفع أكون محاضرة بالجامعة مثلا لأنه امتداد لتخصصي ؟؟؟ لأني لن أقف عند الماستر بحول الله... وشكرا لك بحجم السماء

جزاكم الله خيراً لدعواتكم الطيبة أختي الكريمة ، نحن في هذا المنتدى في خدمة طلاب العلم ونتشرف بكم مع هذا المعدل الرائع بتقدير ممتاز ومن حقك التسجيل في الماجستير تخصص الترجمة.
اللي حصل العام الماضي تجديه هنا http://www.skaau.com/vb/showthread.php?t=307130 وهو أيقاف ماجستير الترجمة للطلاب والطالبات لعدم توفر هيئة التدريس أو عدم تحقيق شروط القبول.، وهذه الأجابات على الأسئلة:
1.تقديم الماجستير في شهر 3 وعندك الفرصة لدخول القدرات والكفايات في شهر 4 وبعدها تقدمي الطلب وهذا حق لكم.
2.ماجستير الترجمة غالباً موعده نهاية الاسبوع ولا يتعارض مع العمل ، علماً بأن غالبية المتقدمين هم من خارج جدة.
3.الدورات التدريبية ليست شرطاً للقبول ولكنها تزيد الفرصة وقت المفاضلة وهي تدعم السيرة الذاتية.
4.ماجستير الترجمة هو مجال ممتاز خاصة أنه جديد ومطلوب في كثير مجالات، وقد ثبت أن خريجي الماجستير الخاص ممكن يتعينوا معيدين أو محاضرين ويحصلوا على الابتعاث ويكملوا الدكتوراه وغيرها، وأنصحكم بالتقديم بدون تردد وتجدوا التوفيق من الله تعالى.