إهداء مني لكل رجل فرط بحب إمرآه..

[FrafeshoOo]

المشاركة الأصلية كتبت بواسطة قسـوة الأيـام السلام عليكم أسمحيلي اشارك بوجهة نظري ...وتقريبا لن تخرج عن وجهة نظرك اهداء لكل رجل فرط في حب امرأه: ونقدر كمان نقول: اهداء لكل امرأه فرطت بحب رجل ... 1- هل تعلم انها عندما كانت تتصل بك كثيرا لأنها لا تريد ان تكلم غيرك وهل تعلمي أنه عندما كان يتصل بك كثيرا لأنه لا يريد أن يكلم غيرك 2- هل تعلم انها ستجد الأفضل لأنها تعلمت من جرحها كيف تختار وهل تعلمي انه سيجد الأفضل لأنه تعلم من جرحه كيف يختار 3- هل تعلم أن المرأه المظلومه سيرجع الرجل لها وقد فات الأوان وهل تعلمي أن الرجل المظلوم سترجع إليه الأنثى وقد فات الأوان 4- هل تعلم أن المرأه تمتلك الحاسه السادسه اضعاف الرجل لتشعر انه تغير أو يخونها صدقيني يحتمل العكس..فبإستطاعة الرجل أن يشعر أنها قد تغيرت.. وما ابغى اقول وتخونه 5- هل تعلم أن المرأه أشد صبرا وتحملا منك وإنها أن تركتك فهذا بعد ألف محاوله منها للسماح والرجل شديد الصبر وأكثر من المرأه وإلا لما وضع الله العصمة بيده 6- هل تعلم إنها عندما تنجرح في أغلب الأوقات تفضل الصمت وكما في النساء من تفضل الصمت ففي الرجال من يفضله عندما يجرح 7- هل تعلم إنها عندما كانت تنفعل وتعاتبك هذا يعني من كثرة عشقها لك وهل تعلمي أنه عندما كان ينفعل ويعاتبك هذا يعني من كثر عشقه لكِ 8- هل تعلم إنك عندما كنت تؤلمها وتجرحها وتسكت كان بأمل انك ستتغير وليس أغفال منها وهل تعلمي أنك عندما كنتي تألميه وتجرحيه ويسكت كان يأمل نك ستتغيرين وليس أغفال منه 9- هل تعلم إنك عندما كنت تكلمها عن غيرها من الفتايات ... انها كانت تخبئ بكائها وراء ابتسامتها صدقيني يحتمل العكس .. 10- هل تعلم إنها لا تنسى أخطائك مهما كلف الوقت ولكنها تتناسا ويكون حزنها كل الوقت في قلبها وعندما تنجرح منك تذكر جميع جروحها الفائته وهل تعلمين أنه لاينسى أخطائك مهما كلف الوقت ولكنه يتناسى ويكون حزنه في قلبه وعندما يجرح منك يتذكر جميع جروحه الفائته من خسر حب امرأة مخلصة خسر حياته كلها..... ومن خسرت حب رجل مخلص خسرت حياتها كلها ... {{..تذكروا جميعا الحب ليس حروف تكتب بل روح توهب..}} أوافق على هالعباره الصحيحه 100% كنت أقدر أقول أنو كل عباره تحتمل العكس...لكن حبيت يكون الحس في العباره أكبر شكرا لك أختي

وعليكم السلام ورحمه الله وبركاته مشاركه رائعه بصراحه ... وصدقت في الي كتبته بس زي ما قرات وجهه نظري وقرات انا وجهه نظرك إسمحلي كمان أقولك رأي بصرااااااحه .....

آحم المرأه والرجل لافرق بينهم طيب وزي مالمراه مخلصه نادر نجد رجل يستحقها ونادر نجد رجل مخلص ...

بس المرأه عندما تجد العشق وتعشق فلاترى ولاتسمع ولاتشم ولاتحس بأحد سوى عشقها فتجدها تفعل امورا وتتكلم بكلمات لاتعلم ماهي ولاتصدق انها تفعلها فالحب يعمي كل حواااسها لأن عشقها هو الي يحركها فهي تجعل كل سيطرتو عليها من كثره ثقتها وحبها له ...

والمرأه معروفه انها نبع الحنان والحب وإلأ ما كانت هيا الأم صح ولأ لأ...

والرسول صلى الله عليه وسلم من وصيتو انه قال . رفقا بالقوارير ... اش معناااااتو
. معناتو انو المرأه بتنظلم كثير وأنو يارجل رفقا بها رفقا فلاتجرها ولا تحطمها ولاتستقل من شأنها بها فهي منبع الاحساس والرحمه
.
وفي شبااب كثيييييييير يتلذذو وهما يجرحو البنات و منهم حاطط فكره ببالو انو البنت ما تقدر تعمل شي الرجل كل كل شي يقدر

البنت خوافه البنت ما تفهم البنت مسكينه بسهووله كلمه كلمتين وتسمع الكلام....يااي ينضحك عليهم مررره بايعين نفسهم اصلا البنت هذه مالها داعي من الاساس الدنيا بدون البنات كنا دخلنا الجنه احنا الرجال <<<كلام شباب هذا

معليييييييييييييييييييييييييييييييييييش لهنا وبس سلاماتنا والله الف سلامه

وللأسف في مجتمعنا مثلا تلاقي البنت امها على اي حركه بتبهذلها ويفهمومها غلط اما الولد شافو ابنهم يكلم بنات وضاحك على بنات لو لو لو هزؤووه مره مرتين وبس هذا لو هزئووه اصلا
شايفين وصلنا لأي درجه بس اش المهزله هذه وربي شي يقهر كل الي اقوله لاتعليق اش اعلق ولا اش اقول على الناس الي كذا

المهم ...



شوفو قصص كثيييير بتصير ومازلت تصير وداايما نلاقي الولد يروح ويخلي الي تحبو والبنت تعااااني وتعااني...سابها عشان ايه عشان ما عجبتو او يكون طفش منها يبغى يغير و يلا يروح يدوور غيرها <<<الي يحب يرى كل عيووب حبيبه عسل والي يحب عيونو ما تشوف غير الي يحبه ((لأنه نصفه الثاني))..


وبعدين لمن يسيبها ...

وهو عااادي ينسى وربي بسهووله ويروح يتزوج وعادي
لكن البنت تتعب عشااااان قلبها يرتاح وتنساه

وشووف متى تنسى بس...وكمان الزوجه لو ماتت زوجها بيزعل عليها صح بس عادي بيتزوج وينسى لكن المرأه صعب صعب تنسى تلاقي لو زوجها مات كثيير منهم بعدو ما يتزوجو بطبعها وفيه ما تقدر تحب غيروا خلاص ..



لو فيه ولد مخلص من جد بقولك وبصراحه من 1000000 ...واحد بس

ودحين لو تجو تلاحظو كثييييير بنات ما تزوجو تعرفو ليش اولأ من الوظايف الاولاد بقوه يلاقو وظايف طيب ومدري ايش والي يقهر ويعور القلب تلاقي منهم ما يتزوجو عشان اش يقولك ليش اتزوج وقرف وتعب وبزووره وحرمه تطفشني وهم وانا اعرف بنااات بالهبل وكل يوم مع وحده ومبسووووووط ومرووق لا بزوره ولا حرمه مطفشتني .....

هذا برايك تلاقيه البنات الي يحبهم يحبهم صدق ولا حبيبتي وكم اسبوع وسيفوووووووووووووووووووووووووووووووووووون ههههههههههههههههههههههههههههههااي .. لا ولا الترقيم في المولات وحركات تشووف تقعد تتفرج هههههههههااي عاملين فيها حبيبه واااااو لا ما اقدر وربي كل واحد ضاحك على الثاني هو يضحك عليها وهيا تضحك عليه وعاملين حبيبه ياااااي يامي لالا اتعب كذا

اوكي سيبك من داااه كلووووو

شوف امكن انت اتكلمت عن نفسك وقلت اكيد الأولاد زيي بس والله نااادرا في هذا الزمن نلاقي شخص يستحق الثقه والتضحيه وربي وانت قصدك تدافع عن الشباب ومدري الخ شوف انا محترمه ردك ومبسوطه بمشاركتك بس أبغاك تجاوبني ...


أسألك بالله تشووف اكثر الشباب والاغلبيه صاادقين ومخلصين في الحب ولا لعابين.؟؟والي يعمل انو يحبها يتزوجها في الأخير ولا بلووشي ياعمنا ههههه<سحب سيفون؟؟
والبنات تشووفهم اكثرهم لعابين وكذابين ولا اش برايك؟؟

سألتك بالله جاوبني وبصرااحه....

واقول لكل رجل لاتوعد انسانه تحبك بوعد انت لست قده .وعلى فكره مو عشاان الرجل يعرف يقول كلام حلوو وحركات كذا يعني هو يفهم بالحب

لا ياحلوين الحب عمروا ما كان حروف تكتب ولاعمروا كان كلمات تنقااال فقط الحب أروااح بجسد وااحد الحب يجمع الصدق والاخلاص والتفاهم والطهر.

والي يحسب انو الحب انا وحبيبتي نحب بعض اقولها كلام تقولي كلام تطلع معايا نهبق سوى مدري ايش تنام معايا في الكباين الى اخره لا واهم شي هو مسوي انو يغار عليها وهيا كمان << تضحكو علينا

هذا مو حب هدي عوااطف زاائله وخداعه ليها مده وتروح(( لحظه شهوه)) عن نفسي اسميه غباء وتضييع وقت وكمان ألم للقلوب هذا واحد يبغى ينبسط ويلا يقول باااي بعدين وهيا البنت ياتلاقيها مصدقتو او تلاقيها يااي عندي حبيب وااو قدام صحباتي يصير شكلي واااو يااااي عشان احكيهم كمان <<<<ياربي يااااااااي بقوووه عليهم .... الي يحب ما يختار الطريق الي ليه نهايه او فتره وينتهي بسررعه والي يحب وعارف انو صادق يخلي حبو في النور علنااا قداام كل الناااس مو بالدس وفي الظلام ... والحب الحقيقي عمروا مايخلي خلفه ضحايا.. بل الحب هو الي طريقو مالي رجعه ولا نهااايه ابداااا يكووون للأبد ويكون داايما أسطوره تعجز عن وصفه كل العقول .. .....
الحب كاان زمان زماااااااااااان مرره ليه طعم وصدى وروح غير يومنا الحاضر من ايام زمان عرفنا عن قيس وليلي وعن روميو وجوليت وعن عنتر وعبله وعن الا مير جيهان الذي بنى لزوجته الي كاان يعشقها بجنووووووون بنى لها قصرا(تاج محل) بعد مماتها ولم يتزوج بعدها...
وديفداس الذي ماات من كثر جنونه بعشقته بارو..
هدي القصص ليومنا الحاضر واحنا نحكيها لكن من الصعب ان نجد حكايه في هذا الزمن تصبح اسطوره مثلهم...

الحب زمان كان ليه مقدار واليوم الناس أصبحو يشهون الحب ..
ويقولو الحب ذا كلام فاضي بس في المسلسلات ومافي حب ... وكذا

لحظه ....الحب حقيقه واسطوره فلا تنكروا وجوده ابدا...


طيب على العموم اشكرك على مشاركتك .....ومداخلتك واتمنى كل الي كتبته انت عن الرجل يكون مو بس في واحد من مليون يكون مليوووون زي كذا واكثر ...


وانتظر اجوبتك على اسئلتي؟؟؟

آعذروني طولت عليكم