أدخل وشارك واستفد ... والا بتندم على النتيجة بكرى !!!

[ahmad0016]

السلام على الجميع .. وانقى تحية صباحية.. بمناسبة إنتهاء الإمتحانات.. ياشباب ويابنات هذه نصيحة مني لكم ياأحبائي لاتقدر بثمن!!
أنا هاذي أول سنة تحضيري .. كنت في بداية الترم أدخل المنتدى يوميا لأنه حايس ولا يص في البداية من وين أبداء وكنت معتمد على كل شاردة وواردة من هالإشاعات اللي يوميا تنقزفي هالمنتدى مثل الأرانب ما بين هذا محذوف وهذا ملخص دكتور وهذا مهم وهذا لا تذاكره .. حتى تهت في المذاكرة.. مع العلم ملاحظة إن البنات مزودينها في موضوع نقل الإشاعات عن المحذوف والمهم!!!
ياجماعة أول سنة تحضيري في عام 1423 هـ كنت قد بدأت الدراسة لترم واحد وانقطعت لظروف عائيلية.. تخيلو إن أكثر من 90 % من أسئلة الإمتحان جاءت من المحذوف اللي حذفوه الدركاترة لنا بأنفسهم أثناء الدورة التأهليلية.. لهذا يوم رجعت ابكمل الدراسة من جديد حلفت إني أول شي أذاكره المحذوف حتى لو كان اللي حذفه الدكتور بسمع أذني وشوف عيوني!!..
الخلاصة رسالة لكل من بث معلومة خاطئة بناء على كلمة سمعها من هنا والا من هناك!! وش ذنب هالمساكين اللي توهقوا من كلامك ؟؟!!
أرجع وأقول يجب على إدارة المنتدى حذف أي موضوع لا يحمل صفة القطعية والتأكيد..
وعلى كل طالب وطالبة يسوي اللي أنا سويته!!
يذاكر من المخلص إن وجد لامانع بس بشرط يفتح الكتاب قدامه علشان يطمئن ان الملخص ما فوت شي وعشان يستفيد من التوسع في الشرح في الكتاب.. إذا تاه عن معلومة!! علما بأن في كثير من الملخصات أخطاء تودي ورى الشمس.
صدقوني مع إني أطلت عليكم.. إن الكتاب المقرر ما يبغى منك إلا إنك تحبه وتأخذ الموضوع من باب التثقيف الشخصي وزيادة المعرفة وإلا اللي في الملخص مقصقص شوي من الكتاب والهدف تجاري بحت.. أنا راجعت من الكتاب مع إني مأخذ الثانوية من أكثر من 17 سنة وجبت أبشركم 100 % لحد الحين في الثقافة واللغة العربية ومع إني أعمل في مجال الإعلام ومشغوول على طول.
أرجع وأقول راجع من الملخص لاباس بس خلي الكتاب معاه صفحة بصفحة..
لاحضت ملاحظة شديدة إن الطلاب والطالبات يعتمدون على أسئلة السنوات الماضية وتلاخيصها .. وهذا أمر بالغ الخطورة حيث أن بعض المواد تتغير في طريقة طرح الموضوع وهذا أوقع كثير من الدراسين في مأزق.. أخيرا لا تعتمد على معلومة غير موثقة ولا على ملخص لا يعرف مصدره.. وإذا لزم الأمر أعطي الكتاب نفسه لمدرس دافور يلخصه لك ويعطيك الزبدة.. ولا تعتمد على الملومات المتضاربة.
كان الوقت كافي إنك تراجع من الكتاب وتلخص المعلومة في الوقت اللي جلست فيه متسمر قدام المنتدى ورحت تدور هنا وهناك عن معلومات جلها مضللة. حبايبي الترم الثاني بدأ هذه النصيحة خليها مفتاح مذاكرتك وخطتك الجاية .. أنا طبقتها وما راح أندم لأني واثق من الحل ولله الحمد والمنة.. أخوكم أحمد القطب سنة تحضيري خطة ( أ ) ... حائل