العنف الاسري خطر يهدد امن الاسرة العربية ؟؟

[^_^]

شوف يا سيدي ...


في رأي العنف الأسري .. يتوجد في الأسرة .. اللي ما يكون في تكافؤ بين أفرادها ...

وكمان هناك بعض أسر أفرادها ... زي البنزين ... (سريع الإشتعال) .. على طول أقل كلمة تقاه .. طططططط وفرقع

يعني تخيل

ممكن تكون شخصية الزوجة تكون أقوى من شخصية الزوج ... ووقتها شوف كيف التهزيء ويمكن تصل للضرب ...والعكس إذا كان الزوج
أو أحيانا المستوى الإجتماعي .. يعني فقير وغنية أو العكس .. برضها لها دور في وجود العنف الأسري
او زي ما قلت ... يكون كل من الزوجين .. راصو أنشف من الحجر ... ويعصب بسرعة .. فتلقى الإثنين على طووول في مناقرات ..



دي بعض الحالات اللي أعرفها ...
الحل في رأيي .. يكون ... في البداااااااااية خاااااالص .... يعني لما الواحد يجي يخطب ...
يختار صح ... ياخد الشريك اللي يناسبه ويكافئه ... <<< مو يعطيه مكافأة ... يعني في نفس مستواه
لا يطل لفووووق مرررة .. ولا لتحت مرررة ...


بس أحيانا .. سبحان الله .. تكون سنة الله في خلقه .. أن يحصل الإختلاف .. والمعروف ان الدنيا تتغير .. وحال الناس بيتغير ..

فالحاصل .. رغم دا كلو .. تقلى ناس .. يكونوا في سعادة .. وبعد مدة .. تنقلب حياتهم ... ويظهر فيهم العنف الأسري .. لسبب
غير غريب ... وقتها ... الحل حسب السبب ...
يعني .. يمكن يكون رب الأسرة .. فجأة مرة بأزمة مالية .. وصارت أعصابه بايظة ...
أو مثلا .. حصلت مشكلة عائلية ... وصارت الزوجة ... أخلاقها .. تجارية ...
أو الولد مثلا ... اتصاحب على شباب مشيهم عوج ... واتغير على اهله ...

الموهم ..
اتمنى اكون وضحت وجهة نظري ...
وشكرا لك لطرح الموضوع واتاحة الفرصة لطرح وجهة نظري

تحياتي