كما وعدتكم ... أسئلة اختبارنا اليوم لمادة ادارة اعمال دولية انقليش bus460

[تونيا]

ضحايا الصمت الاسئله مكاااااااااره بشكل.. لدرجة من القراءه الاولى للسؤال , الواحد يقول هذا غريب ومو من اسئلتك
لان السؤال سطرين او ثلاثه يجيب الصداع وملفوف (في ناس قالت ليش الاسئله كدا احنا ايش سوينا له )
ولا تلوم الي اختفوا فجأه أكيد مصدومين وألين دحين ما فاقوا
المهم في اسئله ,الدكتور الله يهديه بدأها بكلمات لخبط البنات فيها زي مثلا النتيجه لو كانت nigative بين الصادرات والواردات يكون هناك فائض والاجابه طبعا خطأ والبنات شافوا كلمة فائض وكتبوا صح
ومثال ثاني opposite advantages للتكامل الاقتصادي brain drain والبعض اعتقد opposite يعني عكس وكتب صح والي مو داري يعني ايه , بس شاف هجرة الادمغه واختارها
وسؤال تاني (وهو الوحيد الي غريب ومن الفهم كمان )السؤال يقول :حكومه الصين ترغب في حمايه صناعتها المحليه من المنافسه الاجنبيه فعليها ان تختار
وجاب الاغراق والحضر والتعريفات وطبعا الحل هو التعريفات (مادري انا في البدايه قلت يمكن الحضر لأنها كلها من اشكال الحمائيه وبعدين قلت الحكومه تفرض الضرائب والضرائب موجوده في التعريفات ) طبعا هذا سؤال فهم والي فهمت كتبت من وجة نظرها
اما الداهيه اسئلة الاستراتيجيات
ماراح اقول كيف جات عشان لا تصدمني وتقول حلك خطأ لكنها جات غريبه وصعب بصراحه احد يقدر يختار الاستراتيجيه المناسبه .سؤال فيه ضرائب , وسؤال فيه دمج وقدره داخليه, وسؤال فيه تخطيط ,وانا تعذبت وانا افكر, كلمه اعرفها والثانيه لا واقول هذي تكون في هذا المكان وهذا المكان يرتبط بهذا الشي (مشوااار يعني )
وبس هذا الشي الغريب تقريبا والباقي نفس الاسئله بس مثلا بدل كلمة صعب , بسيط , وبدل سريع بطيء وبدل السؤال المثبت يكون not والعكس
والعيب انه الواح يجلس ساعه يقرى السؤال الطويل يخاف يكون فيه كلمه كدا ولا كدا تودي في داهيه والي ما يعرف يقرى ينحول من كثر الكلام ويشوفه كأنه جديد وغريب ( الدكتور حسبنا عباقره من اسئلتنا الكثيره في المحاضره )
لكن الاهم ان الاسئله نفسها الي جات لكم مع لف ودوران بس في النهايه شملت نفس الدروس والمواضيع الي شملتها اسئلتكم
انا لما ذاكرت وخلصت , راجعت مو بس اسئلتك كمان كل درس جات منه اسئلتك وفعلا ما خرجت عن اي سؤال
اضن كدا يا ضحايا الصمت راح تعرف ليش البعض يقول مختلفه والبعض يقول نفسها
لكن انا بقول انا صحيح حليت لكن رأيي بصراحه الاسئله مو اي احد يعرف يحلها وخصوصا البنات الي ماشافوا اسئلتك لو شفتهم يقطعوا القلب والادهى والامر انه المراقبات الغبيات قالوا زمن الاجابه ساعه ونص وقالوا هذا كلام الدكتور وركبوا الدنيا ,
لكن دعائي ورجائي من الحنان المنان ان يحنن قلب الدكتور ويعوض الجميع كل خير
ودعائي ورجائي من مالك الملك ان يسخر لمن علمني -بعده سبحانه - كيف اتميز وانجز , ان يسخر له كل ماخلق
ولا تقول مبالغه والله هذي الحقيقه ويمكن اقل من الحقيقه
اربع سنوات وهذا الترم الاخير ولله الحمد , ماصادفت احد اعطاني اسئلة الامتحان نفسها وكلها
مافي احد علم كيف يحل الجميع الاسئله الي جابها ودروس تانيه غير الاسئله ( ضحايا الصمت انت خلفت ونسيت؟ )
وفوق هذا متواضع ماشالله .لكن هذه شيم الكرام وهذي صفات الي يحب لأخيه ما يحب لنفسه
والله انا محضوضه اني من ضمن الي شملهم كرمك ( لو شفت الي ما عرفوا عنك وعن موضوعك تقول فعلا انتو محضوضين)
والحمدلله ان انعم عليك بهذه النعمه فذلك فضل من الله يؤتيه من يشاء
وجزاك عنا خير الجزاء