أمطار الاربعآء 22/2/1432 //~

[كلي حمااااس]

السلام عليكم
الكثير مننا الحمدالله انكتب لو عمر جديد بعد ماشاف الموت بعينو



مهما سوينا مانقدر نشكر ربنا
كلمة الحمدالله لحالها ماتكفي!!

نحنا في كل دقيقه وثانيه
ربنا ينعم علينا بالنفس
وفي نفس الوقت غيرنا ضحيه


نقول الحمدالله ..لكن لوحدها ماتكفي!!
ندعي الله يحفظنا ويطول في اعمرنا (حلو)

بس ايش الفايدة طول العمر اذا كان ضايع!!
ايش فايدتو اذا نحنا ماننجز!!

مني عارفه ايش اكتب علشان
اوصلكم الفكره الي في راسي

حلو الواحد يكون فله ومرح ويضحك وينكت
بس الاحلى انو يكون مرح
وفي نفس الوقت يكون منجز ^^

يعني يسوي
>> شي مفيد ..شي مشرف<<
لنفسو او لاهلو او للناس او لأمتو
او لهم كولهم ايش الي يمنع !!

علشان اذا مات يموت بشرف
ويقابل ربو ورسولو بشرف

تخيلو بالله لمن نقابل محمد صلى الله عليه وسلم ويسألنا ايش سويتو ايش انجزتو لأمتكم
بأيش حنرد؟!؟!؟

اه بس
مني عارفه ايش اقول اكثر

انا كنت في الجامعه يوم الربوع خلصت اختباري الساعه 9 ولقيت صحباتي ايام الثانوي
من زمان ماشفتهم وبسط معاهم لمن الساعه11 بدا المطر يرش خفيف
واحنا نسولف ونمشي شويا
ماادري كيف
رجولنا اخذتنا ع البوابه الغربيه 1 مع انو ماكنا ناوين نطلع!!!سبحان الله!!!

مني عارفه كيف اشكر ربي ولا احمدو لو قلت مليون مرا الحمد الله ماسويت شي!!
مدري فاهمتو قصدي ؟؟

وقطعت وعد ع نفسي امام ربي
اني ان شالله حانظم حياتي كويس
واحط ليا اهداف واحققها وانجز
ان شالله

والله يقدرني ويقدركم يارب

اتمنى انو كلامي اثر فيكم
واتمنى كل واحد يرجع يحاسب نفسو
يزبط علاقتو مع ربو وامو وابو وكول الناس
وينجز في الحياة
علشان اذا مات يموت بشرف ويقابل ربو بشرف

تذكرو الحياة فرصه ماتعيشها الا مره
فعيشها صح

اللهم صلى وسلم ع محمد واله وصحبه اجمعين
دعواتكم