العياده النفسية لضحايا السنه التحضيرية (( خطة أ و ب ))

[سحر البيان]

في الصيف الماضي ذهبت الى احدى المستشفيات الاهلية

و أظن وقتها تقدم مجموعة من الشباب و الشابات السعوديات للتدريب في هذه المستشفى

في الوقت اللي كانت فيه الممرضه الفلبينيه تشتغل كأنها أله

تعرفوا الحلوين( السعودين) فين كانوا .......... في ستار بكس

في الوقت اللي الموظفة الفلبينيه تشتغل بكل اجتهاد ....

الموظفة السعوديه في اليد اليمين كوب القهوه و في اليد اليسرى التلفون على أذنها

وقتها ما أعرف ليه مرت خاطره في بالي ليه احنا كذا

و فكرت لو أنا كنت هنا كيف حيكون منظري .... ما حأكون زي الفلبينيه

بس برضوا ما راح أكون زي السعوديه (( ارحمينا يا الاروبيه))

وقتها حسيت فعلا ليه احنا مو دوله متقدمه ...

ليه احنا واقفين محلنا ....

احنا ما أتعلمنا من صغرنا على النظام و الترتيب ...

و هذا يستمر معانا الى الكبر ...

نشوف طلابنا في المحاضره .... طلاب في المحاضره بنظاره شمسية

نشوف طالباتنا .... طالبات جالسات بالعبايه لا ورقه لاقلم و حاطين الشنطه في حضنهم

على فكره للحظة أنا أعتقدت أني أم كلثوم و أنهم جايين يتفرجوا عليا

تعالوا نشوف طلابنا في المعمل ....

بدون بالطو .... بدون نظارات واقيه لعيونهم .... بدون قفازات

أحلى شيئ لما تشوفهم قاعدين يأكلوا و يشربوا في المعمل

غير الفوضى و الازعاج و الضحك ...

بغض النظر ان هذه السلوكيات خطأ و خطر

للمعلومية البالطو لحماية الملابس من المواد الكيميائية .... ( البالطوا لازم يكون مقفل ... بمعنى لاتسيبوا ازاريره مفتوحه )

على فكره بعض المواد ممكن تلون ملابسكم بلون ما يزول و بعض المواد لها القدره على حرق ملابسكم مثل حمض الكبريتيك المركز ...

كما انه من المفترض أن المواد المصنوعه منها البالطوا مقاومه للحرق ....

بعض المركبات الكيميائية ... قد تكون مسببه للسرطان ... لذلك يجب حماية أيدينا بالقفازات

بل هناك معامل ترفض ان تدخل المختبر و انت لابس شرقي أو صندل ....

حتى لا تتعرض الاقدام لخطر الاحتراق بماده كاويه أو ماده مسببه للسرطان ...

النظاره حتى لا تتعرض العين للخطر ...

لانه بعض الاحيان أثناء التسخين ممكن تتطايره ماده و لاسمح الله تصيب العين ...

بالنسبة للاشخاص الذين يعملون في الطب و الاحياء و غيرها ....

ينطبق عليهم نفس الكلام السابق لانهم هناك خطر كبير من أصابتهم بفايروس أومايكروب خطير

الفكره اللي باوصلها لكم ... لو انكم من بداية دراستكم .... أخذتوا الموضوع بجدية و اهتمتوا بدراستكم

و كلامي عن المعمل .... مجرد تشبيه ... لانه طالما احنا في معملنا مو ملتزمين ... كيف راح يكون حالنا في المعمل

بس سؤال يطرح نفسه ..... كيف نصير مثل الموظف أو الموظفة الفلبينه

و السؤال الاكبر .... كيف نكون دوله متقدمه مثل اليابان