أيهما اوفر حظاً .. ( الطب - الهندسة )

[ulquiorra360]

صعب نقارن تخصص مختلفين مثل الطب الهندسه في الفرص الوظيفيه الفرق شاسع بين الاتنين
و كمان إنت حاط الطب و الهندسه فقط !!! و كأن الجامعة في تخصصاتها الباقيه إلي بيتخرج منها حيقعد في البيت لو إنك تبا تقارن و تكون مقارنتك عادلة لازم تقارن الهندسه بالتخصصاتها فقط و الطب كمان
و بالنسبة للفرص الوظيفيه كل المجالين و المجالات في الجامعة متساويه تقريبا و الفرق هوا معدل الطالب في النهايا كل ماكان المعدل عالي كل ما الفرص الوظيفيه زادت
و كمان مو لانو الطب و الهندسه ماتاخد إلى طلاب معدلاتهم عاليه إنو الفرص الوظيفيه أكبر لا بل لان التخصص صعب و تحتاج ناس متفوقين عشان يدرسو
و كمان ترا شهادة البكلريوس حاليه ماتسوى شي لانو بعد مانتخرج يكون في دفعه كبيره جدا من القادمين من الخارج من بعثات الملك حاملين ماستر و دكتورا يدورو وظايف زينا زيهم فا إنت إيش تشوف مكانك بينهم ؟؟
فا نصيحة لما تدرس اي تخصص كان طب هندسه حاسب علم أرض تصاميم بيئه
لازم تكون إنت تح التخصص هادا و تكون متفوق فيه و ما تمل منو عشان ادا تخرجت و مالقيت وظيفه تكمل ماستر و خلصت مالقيت تكمل دكتورا حتى الكل يحس انك الأفضل و تتوظف في أحسن الامكنة ان شاءالله لانك ادا درست شي ماتحبو حتتخرج من مرحلة البكلريوس بالقوة و محا يكون عندك اي دافع نفسي انك حتا تاخد كورس بس في التخصص
بو هادي مشكلتنا ندخل تخصصات لان برستيجنا يحكم علينا التخصص
طب لانو الناس يحترمو الدكتور
هندسه لانو الهندسه حلوه كدا الناس يقولولك مهندس
ترا اي تخصص تقدر تجيب فيه دكتورا لو كنت تستحق الكلمه دي !!!