رحت اليوم اراجع ورقي .....تفشلت ورجعت

[ورودي]

كيفكم يالغوالي اليوم قمت الصباح بكل حماااس وثقه وقلت اخيرا جا السبت عشان اروح اراجع ورقي عند الظلمه اللي خسفو بدرجاتي ووالله ماأرجع اللي مايوروني اوراقي ... المهم
رحت عند اول استاذه
انا : السلام عليكم
الستاذه :وعليكم السلام
انا : استاذه انا الطالبه فلانه الفلانيه انتساب..... قاطعتني
الاستاذه : وطبعا معترضه علي درجتك وتبغي تراجعي ورقتك
انا : ايوه اذا ماعند اعتراض
الاستاذه : لا حقك ( وهي جالسه تطلع المظاريف) بس من دحين اقولك اني كل طالبه رافعتها اقل شي 3 درجات عشان تترتفع من درجه لدرجه( يعني اللي bتسير b+ وزي كذا)
سألتني ايش المواد
أنا: تخطيط استراتيجي اداره محليه سلوك تنظيمي ( كل ماتدخل قاعه تلاقيني في وجهها مسكينه)
المهم راجعت الورق وصعقت من الدرجات بالفعل كانت رافعتني فيهم كلهم
السلوك انا جايبه 83 وهي ادتني 86
التخطيط انا جايبه 81 وهي ادتني 85
الادارا المحليه انا جايبه 86 وهي ادتني 90
طبعا دارا بينا حواااار طوييل الخلاصه انها قالت انتو بس تجلسو تتهجموا علينا في المنتديات وتدعوا
وماعمر احد دخل وشكر استاذ ومانبغا الشكر نبغا اقلهها تتحملوا نتيجة اهمالكم ( طبعا حسيتها تهزأني بالملفوف بصيغه جماعيه)
وقالتلي ان المفروض مراجعت الورق يكون مع مشرفه وبعد المراجعه تترصدلك الدرجه اللي تستحقيها يعني الدرجه الحقيقه قبل الترفيع
طبعا اعتذرتلها وشكرتها وماتجرأت اروح لوحده ثانيه عشان لايصير نفس الموقف
وانا في الطريق اتذكرت موضوع لا حد الاخوان كان يقول فيه عن ضرورة ان الواحد يبدأ يذاكر من بدري مو قبل الاختبارات باسبوع
وبالفعل انا كنت المستويات الاولى اجيب الكتب من بدري واذاكرها ماتيجي الدوره التأهيليه الا وانا مطلعه علي كل المواد حتي لو قرأه وكانت درجاتي والله العظيم كلها فوق 90 والان لمه صرت اذاكر اسبوع الاختبارات هذه النتيجه دراجات زي كذا والمعدل في النازل
المهم انا كتبت هذا الموضوع لسببين
الاول : بلاش نجلس نتهجم علي استذتنا بحق ومن غير حق بأساليب ماترقي لينا كطلاب جامعيين
اللي له حق يروح يدور عليه من غير تعدي علي احد
الثاني: ان اللي خايف علي درجاته ومعدله يالليت يبدألامن الان يدور علي الكتب(مو ملخصات) ويطلع عليها قرأه مو اكثر وبعدها نشوف الدرجات كيف بتكون
وهذا اللي انا راح اسويه
وبالتوفيق للجميع يارب