أي استفسار عن إدراة وتنظيم موارد بشريه هنا على طووووول بدون تردد :)

[امل الكون]

السلام عليكم حبي لذاتي ولقيمي
السمستر اللي راح جيت وسالتك عن موادي وانتي رتبتي ليا الجدول
والحمدلله ربي لك الحمد نجحت بمعدل 3 ونص بجد دعيتلك من كل قلبي
ربي يسعدك دنيا واخره

السمستر هذا اخر سمستر خلاص وابغى اسالك شوية اشياء بجد مو فاهمتها كويس
انا دحين عندي خمسه مواد اساسيه وماده حره وماده اختياريه عشان لازم اكمل 18 ساعه
مجموع ساعاتي الى الان 110 ساعه اوك قلبي وابغى اخليها على المجموع المطلوب

موادي للسمستر دا : نوع اجتماعي - بحث وتدريب - ادارة اعمال في ثقافات متعدده
ادارة مشاريع صغيره - ثقافه اسلاميه 4 - ماده حره - ماده اختياريه
المطلوب ياعسل ابغى من اختيارك ماده حره وماده اختياريه والاسهل حسب رايك انتي
وحسب كيف راح يرفع لي المعدل طيب ياقلبي

بالنسبه لماده بحث وتدريب ابغى معلومات منك كيف اضيفها وايش تنصحيني اضيف
عند ايت دكتوره افضل..انا سمعت انو على حسب تطلعلي الدكتوره مااقدر اغيرها
حبيت اعرف منك ياقلبي وابغى اعرف كمان ايش اجرائات التخرج قالولي البنات
انو لازم اروح الكليه تبعي واعبي اوراق التخرج اذا عندك فكره ياليت تفيديني بجد ضاايعه

ادري طولت عليكي وثقلت لكن يشهد الله اني انبسطت كتير لمن اخدت رايك
ويشهد عليا ربي اني دعيتلك من كل قلبي وامدحك كثير عند البنات بجد انتي
ساعدتيني في السمستر اللي فات وحابه تساعديني في السمستر دا الله يجزاكي الجنه
ربي يجعله في ميزان حسناتك يارب