ارجو من الجميع الدخوووووووووول للمصلحة العامة

[مداوي الجروح]

أنا معاكي بكل كلمة قلتيها اختي رابيس ومقدر ظروفك وظروف كل طلبة الانتساب وحتى الانتظام من ناحية الكتب نفس الاسعار

الله يكون في عون صديقتك ربي ييسرلها إن شاء الله
وأنا كطالب انتظام برضو ماسلمت حتى وان كان بتنصرف مكافأة شهريا مايقل عن 2500 ريال بدفعها مصاريف للجامعة
يعني دبل المكافأة وزيادة

كانت النقطة اللي لمحت فيها فقط كيفية ايصال أصواتكم للمسؤولين
يعني لو اتجمعتوا وطالبتوا بحقوقكم بشكل سلمي بأمانه فيه مسؤولة وإلا مسؤول بيجيكم لحد عندكم !!!
أنا أتمنى تلاقوا شي بديل يكون أفضل في وصول طلباتكم للمسؤولين والأفضل لكم قبل لايكون لغيركم
انتوا راح تتجمعوا وارهاق و و و وفي الأخير كم نسبة انو يجي مسؤول للمكان اللي اتجمعتوا فيه !!

وبالعكس لو تبغوني أكون معاكم بكون أول واحد بس الواحد يفكر بالحلول قبل مايبدأ على العمل

وأعتذر للمرة الثانية ع المداخلة ويعلم الله انها حباً وخوفاً عليكم وعلى تعبكم ويكون بدون فايدة لاسمح الله

اشتغلوا في الحلين خصصوا موضوع لطلبات تخفيض أسعار الكتب يشارك فيه جميع طلاب وطالبات جامعة المؤسس - انتظام وانتساب - ويرسل الموضوع لكل الجهات في الجامعة وللتويجري في صفحتو ع الفيس بوك وعلى الايميل اللي في الموضوع وإن شاء الله مابيضيع حقنا :)

احترامي لسعة صدرك اختي