تسميات المركبات

[د. هدّولا]

ياااااونااااااااااسة عندناااا مطر خخخخ ..

أهلين ياقمر الله يسعدك ويوفقك يارب ..
انا وانتي والجميع يارب

...
بالنسبة لأسئلتك

*

1-كثير اسمع مركبات تسااهمية ؟ هي نفسها قصدنا فيها الجزيئية

شوفي ياستي كثير يلخبطو في دي النقطة
في فرق لمن أقولك المركب أيوني وجزيئي ..
وفرق لمن أقولك الرابطة أيونية أو تساهمية (قطبية/غير قطبية )

المركب كلوو على بعضو ايش يمثل .. ايوني وجزيئي
Ionic , molecular
^
دا نستخدمو في التسمية

بس في الرابطة يعتمد على نوع الرابطة اللي بين الذرات ايش نوعها
والرابطة التساهمية راح تدرسوها باسم covalent

كلامي راح يوضح بعدين على قدام لمن تاخدو شابتر 8

2- انتي قلتي في ionic compounds لما يكون اكثر من تكافؤ نكتب الشق الموجب وبعدين العدد الروماني وبعدين الشق السالب طيب هذا العدد قصدك لمين يمثل اي شق ؟ وانا راح اكتب هذا العدد الروماني على حسب التكافؤ طبعا صح ؟ بس اي تكاافؤ للشق الموجب او السالب؟

العدد الروماني يرجع للشق الموجب
لأن كل العناصر اللي نعرفها في لها أكتر من تكافؤ .. بتكون موجبة ..

3-اممم وكمان لو جاب لي مركب وطلب تسميته كيف راح افرق هذا مركب ايوني او جزيئي عشان اعرف احل ؟

أول شي شوفي الشقين ايش هرجتهم في الحياة
الاتنين من المجموعة 4 او 5 او 6 او 7
فعلى طول تستخدمي البريفيكس وتسمي بالجزيئي ..

حلو كدا !

طيب لو ان شفتي الشق الموجب غير دي المجموعات
راح تستخدمي ايونيك ..
طيب أيت نوع ..
الشق الموجب لو كان من ضمن العناصر الموجودة في الجدول واللي لها اكتر من تكافؤ
على طول تستخدمي الروماني وتبيني أيت تكافؤ استخدمه
ولو العنصر له تكافؤ واحد تستخدمي الطريقة العادية

4- في الكتاب example:2.5 >>>p:61 حل فقره (B) kH2PO4 لما سمينا صار اسم المركب potassium dihydrogen phosphate مو هو مركب ايوني طيب ليش استخدمنا بريفيكس مع الهيدروجين ؟

ياقلبي ال H2Po4 دا كلو على بعضو شق سالب
واسمه dihydrogen phosphate هو كدا مايتغير وتحصليه في الجدول برضه

بس الشق الموجب هو البوتاسيوم لحاله
فعشان كدا استخدم الطريقة الاولى



بالنسبة لدا السؤال لاتخافي ماراح يجيبولك أبدا
مركب فيه 3 او 4 عناصر ويقولولك سميه



....

عآدي ياقمر بالعكس لاتعب ولا شي
اذا مافهمتي قولي عشان أعيد


:)