للأسف -_- هذا الحوار اللي دار بين الطالبات ومسؤلات وحدة المالية في مبنى الشؤؤن !!

[طموحي تعجزة..]

سبحان الله حبايبي تصدقوا انا اليوم انبهرت من الجامعه وبالأخص من مبنى الشؤؤن والاكثر اهمية من وحدة المالية اللي المفروض المكافأت هم اللي يصرفوها لنا ...
ادخل في الموضوع وبلاش مقدمات انا قلت كان نفسي من اول اتأكد من خبر المكافأت الاكيد واليوم اتأكدت اول مادخلت مبنى الشؤؤن قابلتنا مسؤؤلة...ومن دون لانسأل اعطتنا الاجابة على طول كأنها حاسة ان البنات يبغوا اجابة ذا الشئ واش قالت:احنا رفعنا خطاب عشان يصرفوا للإنتساب مكافأه "تخيلوا الكارثة العظمى" قلتلها : طيب من دون لاترفعوا خطاب الخطاب جا الين عندكم اوامر ملكية ان المكرمة تشمل طالبات الانتظام والانتساب وللأسف ردها كان بالنفي..
اتجهت الى وحدة المالية لأستفسر عن الموضوع قالتلي بكل فخر وبدون مقدمات "انتوا الانتساب مالكم مكافأت" قلتلها طيب انا سمعت الملك بأذني ان المكافأت تشمل جميع طلاب وطالبات التعليم العالي وبدون قيود كيف تقولي احنا مالنا ؟؟
قالت والله ذا الشئ اللي جانا..
وللأسف يابنات منجد اللي ينرفز انهم صرفوا لبنات الانتظام ولكن مو جميع الطالبات اما الانتساب ربي يرزقهم إن شاء الله التحيز ماشي في احناء الجامعه كلها مع العلم ان الجامعه اليوم مزحومة بالبنات ولا احد عبرهم "الكلمة الطيبة صدقة" ذا اللي اقدر اقولة ..
ماكنا نتمنى ان جامعتنا توصل لذى المستوى من التعامل واللي نتمناة لوشئ واحد ان مدير الجامعه يحس في بنات الانتساب وفي معاناتهم مع المسؤولين ...
سامحوني على الأطالة بس ماحبيت اكتم وجهة نظري بعد اللي صار..
تقبلو مروري وتحياتي ,,