هل بالامكان التخصص والمعدل 2,5 ؟!. [عنوان مبهم]

[sammorato]

السلام عليكم
تقدر تتخصص غير الكليات الصحية والهندسة وفي الصيفي تقدر تاخد 9 ساعات = 3 مواد وفي كليات كثيرة تقبل معدل 2 واولهم كلية العلوم وبالنسبة للصيفي حلو في انو يساعدو والاختبارات تكون سهلة بس عيبو انو فترة قصيرة شهرين بس ورح تكون الاختبارات اخر شهر رمضان
وتبغى نصيحتي شد حيلك في الخطة الي انت تدرسها لانو اذا جبت معدل عالي رح يترفع معدلك التراكمي مرة كتير لانها 5 مواد ( اكتر من خطة ب )
انا مثلا حملت في الترم الاول مادتين من خطة ب ومعدلي كان 2.13 وفي الترم الثاني نجحت في كل المواد وصار معدلي 3.31 واخدت المادتين في السنة الجديدة مع دفعة 2011
ومع اني كان نفسي اتخصص تقنية مختبرات بس ربي ماراد ودحين انا تخصصي احياء والحمدلله مرتاااااااااااحة وحبيت التخصص مرررررة
لاتخاف اذا ربي ماسهلك تدخل هندسة او اي تخصص انت حابو حط في بالك انك لو دخلتو يمكن ماكنت رح تتوفق فيه