بسررررعه الي عندهم اختبار اداره عامه 101 دا الاسبوع جبتلكم بشاااره

[نجوله>>]

مافي وقت اقرق
اخذو الزبده بسرعه
شفتو الفصل الاول والتاني والتالت والرابع
مو قالت ال3 فصول الاولى كلها معانا
والرابع كله ماعداخطوات التنظيم
يعني بالعربي كلها ال4 معانا يووووووووووه كثييييييييييييره وكلها خطوات وخربطه
طيب ايش رايكم اني جايبتلكم احلى خبر ولسى الخير جاي
يله جيبو كتبكم واشرو المحذوف الاضافي في الفصول ال4 الاولى
اقسم بالله اقسم بالله اني اقول الصدق وحبيت افيدكم زي مااستفدت
لاتحسبوه مقلب والا بهلله كثار هنا يعرفوني
ربي يشهد بلي بكتبه دحين وترى في حاجات بتجي في الاختبار حقولها كمان ركزززو
انا حقول المحذوف اما الي مااجيب سيرته معانا اوكي والاشياء الي حركز عليها فقط للتنبيه
لانها حتجي في الاختبار مو معناتو ان الباقي مو معانا صحصحو وركزو واي استفسار انا معاكم
بسم الله نبدا
اول حاجه تعريفات الاداره تاخدو تعاريف ليونارد ونايجرو ودتويت والدو فقطططط
بعد العلماء يجيكي واحد ملقوف اسمه فريدرك موشير دا مره مهم شوفو ايش قال وايش يبغى
مهم يابنات تلاقوه تحت في ص 6
بعدها الفصل التاني مهم تعريف مفهوم النظريه
ونجي للمدارس ال3 قبلها في شي اسمه نظرية التنظيم بين السطور ص 23 مهم يابنات
قبل المدارس حيجيكي سؤال هدف جميع دي المدارس ايش هوه يمكن يكون صح وخطا او خيارات
فتقولي انه رفع كفاءة المنظمه او الاداره هذا هدف كل المدارس ال3 اوكي
طيب ندخل على المدارس حقولكم الي محذوف منها
المدرسه الاولى الكلاسيكيه مره مهمه بكل مافيها بس تلاقي بصفحة 38انواع السلطات
الي هيه 3 كلها محذوفه
المدرسه التانيه الانسانيه كلها معانا بس في شي محذوف في ص 48 الانتقادات التي وجهت للعلاقات الانسانيه
بعدين تجيكي البيئه والاداره العامه ص 56
هذي تقريها وتلخصيها باختصار يعني افهميها سريع سريع هيه حوالي 3 صفحات الاستاذه
قالتلها في نص صفحه لو عندي وقت كتبت شرحها عموما هوه تلخيص يعني افهميها بشكل عام بدون نقاط وتعدادات
التنظيم مهم وكلو معانا بس في حاجه حتجي في الاختبار وهيه المعلومات المرتده تلاقوها ص 65
احفظو تعريفها حيجي والله اعلم
بعدها يجي التخطيط ركزوووو معايا في حاجات كثيره ملغيه
التعاريف مهمه جدا
مزاياه واهدافه مهمه جدا
دحين اقولكم المحذوف شوفو ص 90 عنوان يقول صور التخطيط الاداري
دي كلها محذوفه
الصور يابنات مو الانواع انتبهو
روحو ص 96 فيه كلام بين السطور يقول الاسباب التي قد تكون موقفا للمجتمع في التخطيط الف وباء محذووووفه

اخر شي الصفات المطلوبه في المخططين هذي كمان محذوفه تلاقوها ص 97
بعدين تروحو للتنظيم ص 105
مفاهيم اداريه وعددها 3 البناء التنظيمي والتنسيق والسيطره محذوووووووفين
في ص 106 فيه مفكر اسمو رنسز ليكورت محذوف كله بكل هرجه الفاضي
عنوان اسمه خطوات التنظيم ص108 محذوووفه عددها 9
والاعتبارات الي بعدها محذوفه كلها لحد ص 112
تلاقي في ص 114 تحت مره مكتوب العلاقه بين وحدات التنظيم ....الخ
هدول محذوووفين بس انتبهو المزايا والماخذ الي بعدها معانا معانا معانا
انزلو تحت الماخذ ص 115
مكتوب خطوات مرقمه عددها5 كلها محذوفه
بعدها يجيكي عنوان اسمه التنظيم حسب الوظيفه دا معانا بس فيه شي محذوف الي هوه
المزايا والسلبيات تلاقوهم مرقمين
بعدين ص 117 مزايا التنظيم حسب المنتج مرقمه محذوووفه كلها
روحو ص 119 تلاقو عنوان اسمو فوائد الاعتماد على اللجان 9 نقاط كلها محذوووفه
اقلبو الصفحه على ص 120 الماخذ على اسلوب التنظيم باللجان محذوفه كلها عددها 5


يابنات ان شاء الله الليله او بكره الصباح اكمل بقية المحذوف
ويارب يارب يكون عندي وقت وانزل السياسه
اقسم بالله يابنات ماعندي وقت واكتبلكم وانا ماسكه شغلات كثيره وحالتي حالتي
بس ماحبيت استفيد وماافيدكم خاصة ان الاداره دمها ثقيل ودش ونقاط كثيره
ايوه فيه حاجه مهمه وحتجي في الاختبار شايفين
عناصر العمليات الاداريه الي هيه التخطيط والتنظيم الخ الي بندرس كل عنصر في فصل لحاله؟؟
هذي لازم تحفظو ترتيبها لانها حتجي في الاختبار
ودا ترتيبها
التخطيط -التنظيم- التوظيف-التوجيه-التنسيق-التقرير- الميزانيه
تعرفو كيف حيجي سؤالها يمكن تقول ان التنظيم رابع عناصر العمليات الاداريه صح او خطا
طبعا خطا هوه التاني وهكذا
ادعوووولي يابنات وقولولي استفدو من كلامي او لا