مادة أًصول تربية إسلامية << رأي بالمادهـ بعد ما انتهى الترم واختبرتها :)

[Twix~}..]

صبآآآح // مسسساء .. التعب والقلق والاختبارات ..

آكيد الكل قرفان وتعبان من آجواء الاختبارات بس يلا هانت كلها كمان اسبوووعين ونرتاح ونبدأ إجازهـ .. وان شاء الله تكون إجازة لزيز وسعيدهـ على الكل ..

بداية الترم كان الكل بيستفر عن مادة اصول تربية اسلاميه كمادة حره لانها كانت متاحه في ثلاث اوقات وكانت الشعب تقريبا فاضيه ..

وبعد اول كلاس ليا كتبت موضوع حطيت فيلو رأي عن المادة والاستاذهـ وكيف كان اول كلاس ..

ودا هو رابط الموضوع ..

http://www.skaau.com/vb/showthread.php?t=344785

لما قرات تاريخ اول كلاس وشوفت احنا وين دحين حسسسيت انو الايام مشششيت مرآآ بسسسرعه <<< كتبت قصة حياتها ..

الموهم موضوعنا عن رأي بالماده بعد ما انتهيت منها وبعد ما اختبرتها ..

اول شي الاستاذهـ : مرآآآآآ أخلاق .. تعاملها حلو .. متجاوبه مع البنات .. شرحها مافيه نوع من الملل .. ما تحوب المبالغه في الشرح .. تحمس البنات على المشاركه .. تأخذ وتعطي مع البنات ..

المادهـ كمنهج : طووووووووووويل .. كلامو كتير .. بس كلمات المنهج سهله للفهم ..

الماده (( وقت مذاكرتها )) : متعبه .. ممله جدا لانو الاجزاء طوووويله.. تاخذ وقت بالمذاكرة ..

اختبارات المادة : سهله مررررررررررررا .. اسئلة الاستاذهـ سهله مرآآآ .. واااضحه وبسيطة ..مافيها اي غمووووض .. بس كل دا يعتمد على المذاكرة ..

نوع الاسئله : وجه الدلالة (( دليل من القران او السنه وانتي تكتبي يتكلم عن ايش الدليل )) صح وخطأ .. عددي وتختار الاشيءا الي مرآآآ واااضحه .. اختاري .. وتعريفات واحنا نكتب المصطلح ..

.........................................

الخلاصصصصه .. وانا اذاكر للاختبار النهائي كنت جدا ندماااانه على اني اخذت الماده لاني جلست اذاكر فيها من السبت لما الربوع يعني لما يوم الاختبار ..

بس طول الترم ما حسيت بأأي ندم لا من الماده ولا من الاستاذهـ ودرجتي في النصفي كانت مخليتني مبسسسسوطه اكتر شي لاني اخذت الفل مارك ماشاء الله عليا :) ..

الشي الي ما حبيتو كمان الجزئية الي ذكرناها بالنهايه كانت مرآآآآ طويله .. وفي الاختبار ما جاء شي من الاربعه الفصول الي اختبرناها بالنصفي يعني كولو كان من الفصول الخمسه الاخيره الي ما اختبرناها ..

حبيت الثلاث درجات التحسينيه الي راح تعطينها هيا الاستاذه .. طبعا واحنا بنختبر الفاينل كانت جايبة ورقه تانيه غير ورق الاختبار وعامله في سؤالين ومرآ سهله ومن ابسط الاشياء وحاطه عليه ثلاث درجات (( كبونس للماده )) ..

طبعا توزيع الدرجات حلو ومو حلو .. حلو انو اختبار نصفي واحد وعليه 30 درجه .. وفاينل 40 ودا الشي المعروف .. بس الـ 30 الباقيه كتييييير على انها تنحط على برزنتشين وعلى تحليلنا لظاهرة ابتزاز الفتيات .. هو دا الشي الي بصراحه ما عجبني .. وما اعرف اذا كانت حتحسب الغياب ضمن الدرجات او لا .. بس ان شاء الله تحسبو عشان ما تروح الثلاثين بس على دي الاشياء ..

لانو البرزنتشين هو الشي الوحيد الي طلبتو مننا وعليه درجات ..

...............................................

الي حاب ياخذ الماده بعد كدا .. ماراح يندم طول الترم ولا يحس بأي شي بالعكس حينبسط مرآآ من الاستاذه ومن الماده .. بس وقت الفاينل مع التعب والمزاكره راح يحس بشششوية ندم .. بس لما يحل في الاختبار وياخذ الفل مارك ماراح يحس باي ندم منها ..

وعلى فكره خلصنا المنهج قبل الاختبارات بشهر واسبوووع او اسبووووعين وصرنا ما نحضر بعد كدا ودا شي مرآآآآ حلو عند الكل اننا نخلص المنهج بدري ..

دآ هو رآآآآي بمادة أصول تربية اسلاميه .. اخذت الماده وعدى الترم بسسرعه وباقي بس اني اعرف درجتي في الماده .. بس ان شاء الله حأخذ فيها الـ A+ أو الـ A ..

دعوااااااتكم .. :)