لا تـــغــلا وانـت *

[متعب القلب]

بسم الله الرحمن الرحمن الرحيم

السلام عليكم ورحمه الله وبركاته..

حبيت أكتب لكم الابيات لاني ارى في المنتدى اعضاء يحبون الشعر ويهتمون فيه

................

لاتغلا وانت تدري في غلاك اللي سكني
من غلاتك كنك اللي في دلالك مشتريني

والله اني من صدفتك في طريقي صرت كني
طفل ظامي للحنان بحاجةاللي يحتويني

كنت اطالع في ذهولي واندهاشي واذكر إني
رحت يمك واحسب اني واقفٍ وانت بتجيني

من نظرتك في عيوني صرت احسك جزء مني
صرت احسك نصف روحٍ غاب ثم ارتد فيني

وصارطيفك في خيالي عالقٍ ماغاب عني
احتريه بوقت نومي واشعر انه يحتريني

وصرت احبك في جنونٍ منه عقلي يستجني
كل ماتبطي عليه الف هاجس يعتريني

ساكنٍ كل المشاعر كل مابي لك يحني
في وجودك لي وجود وفي غيابك ضعت ويني؟

كنت اشوفك في منامي والبسك ثوب التمني
صرت قبله في جبينك وانت خاتم في يميني

في غرامك والله اني مستريحٍ مرجهني
ماحسبت حساب غيرك لو تركني مايبيني

مدري اهني فيك قلبي؟والا عيني فيك اهني؟
من غلاتك ودي انك تلتحف باهداب عيني

لاتغلاوانت تدري في غلاك اللي سكني
من غلاتك بعت ناسٍ بالمحبه تشتريني

وسلامت من عيونكم .....

هذي الابيات لأخي ،،،،