رحت الجامعة وراجعت ورقتي

[miss-busy]

الحمد لله على كل حال يامس بزي .... أنا سبحان الله كنت متفائل مرة انك تقولين كان فيها خطأ ...بس يوم غبتي من أمس الصبح قلقت .... الله ما كتب هذه هي الرياضيات مادة ثقيلة أصلاً و أخطائها غبية .... أبغاك توعديني تحافظين على شي وتتركي شئ تحافظين على حماسك و تفوقك ( ماشاء الله عليك ) ... وتتركين التفكير في اللي راح أو الندم على مافات

عالي مستواه مدري كيف أشكرك على كلماتك
الله يجزاك خير ولايحرمك ريح الجنة

أطمنك أنا مازلت على حماسي صحيح الرياضيات زعلني وكسر نفسي بس الحمد لله أنا بالله قويه ان شالله
أنا أحاول اتناساها وماأفكر فيها بس كل ماأفتح الأودس واشوف سبعة جنبها سبعة والله تدمع عيني بس عادي راح أنساه يعني راح انساه

وبالنسبة لخبر مراجعة الشعب كلها لكم .... إذا جت خير وبركة ... وإذا ماجت لا تزعلين عليها كثير إعتبري الرياضيات درجة في سلم طلعتي عليها ...في طريقك نحو تحقيق طموحك ...

ماراح أزعل لأني ماني متأمله شي أصلا
والرياضيات هذا أنا ياما حاولت أتصالح معاه وأحبه حاولت كثيييييير بس هو مكبر راسه مدري ايش أعمله >> حاول مرة أخر خخخخخخخ

بعد أن يهدأ بالك ...فكري في التخصص بروقان .....الله يوفقك ويوفقك الجميع ،،،

والله كأنك حاس إني مازلت محتارة ولو تشوف يوم رحت أراجع كانت معايا أختي وهي أكثر وحده تحاول تدفني ادارة وبنت عمتي معاها وأنا خرجت من عند الدكتورة معصبة وبس أشتكي واتحلطم مدري ايش كنت أقول بس أذكر اني قلت لهم >> وتبوني ادارة والله العظيم ماأجي جنبها ولاحد يجيب سيرتها عندي وصوتي عالي وكلي شرار واختي بس تضحك >> صدقني في داك الوقت كنت مستعدة أرتكب جريمه بس الحمد لله ربي ستر

أكيد ماراح أختار التخصص إلا على قناعة ومازلت أجمع المعلومات حتى أكون على بينه
أسال الله أن يخر لي ويختار لي
شكرا لك أخي والله يوفقك ان شالله
دعواتك