كلية رابغ وكلية الأدارة والاقتصاد وردودهم ؟ عجائب !!!

[ابو عبدالله 07]

ملاحظة :

null

السلام عليكم
إخواني

كلمت اليوم بتاريخ 29/06/2011 كل من
مكتب وكيل كلية الأدارة والاقتصاد بجده و عميد كلية الإعمال برابغ شخصياً (ركزوا على شخصياً )
قصة تحزن اسمعوا وشوفوا جامعتنا ( الحمد لله على كل حال )

علشان اسأله عن قسم أدارة أعمال مسار إدارة أعمال دولية هل هي تحت كلية الإدارة والاقتصاد بجدة أو كلية الإعمال برابغ
لأنه حسب ما قرأت وسمعت في المنتدى الكريم انه تحولت إلى رابغ وبعد ما اخترت كلية رابغ راجعت موقع الجامعة و اتضح
انه مسار الأعمال الدولية تحت كلية الأدارة والاقتصاد فحبيت استفسر هل اختياري صحيح ام لا
أولا اتصلت بكلية الاقتصاد والإدارة
جاوبني أولا واحد يقول بأنه كل قسم إدارة الأعمال تحول إلى رابغ
قلت له طيب انتم ايش عندكم قال ما عندنا شي
ما اقتنعت !!
قلت طيب ايش المسارات أو الأقسام المتاحة بكلية رابغ
قال ما أدري !!!
قلت له طيب ممكن تعطيني أي رقم للتواصل مع كلية الأعمال برابغ ؟
قال لي أنا أتمنى واحد يعطيني أرقامهم علشان أحول الطلاب اللي يتصلون علي ( طلع ما يعرف أرقامهم ) والله مصيبة ايش الجامعة هذه
فكرت و فكرت كيف أوصل لهم فجلست ابحث في موقع كلية رابغ عن أي رقم لكن ما حصلت شي
بعدين دخلت على السيرة الذاتية حقت عميد كلية رابغ / عبدالاله سيف الدين ساعاتي وش تتوقعون حصلت ؟؟؟

حصلت رقم جواله قلت الحمد لله فرجت
اتصلت عليه
قلت له أنا طالب من طلاب السنة التحضيرية وباقي ما خلصت كلامي
قال ايه تبغي تسال عن الثقافة الإسلامية واللغة العربية قلت له لا
قلت أنا سؤالي عن كلية الأعمال برابغ هل هي متاح للانتساب
قال لي ايوه متاح
قلت له تمام بس ايش المسارات او الأقسام المتاحة
قال على ما اعتقد قسمين (تسويق ) وبعدين جلس ساكت يحاول يتذكر .........
قلت له موارد بشرية
قال ايوه و على ما يعتقد وهذا العميد
قلت بس
قال حاليا هذا بس وان شاء الله في المستقبل راح يكون فيه أقسام ثانية
قلت طيب كلية الإدارة والاقتصاد اش فيها قال اسألهم انا ما ادري هما كلية و احنا كلية منفصله عن بعض !!!!!
كمان ما اقتنعت
رجعت اتصلت على كلية الادارة والاقتصاد رد على واحد ثاني ونفس الاسئلة
قال لي انه ما عندهم الا قسم ادارة عامه بس واحتمال ان مسار الاعمال الدولية محذوف ماعاد فيه بح
بعدين رجعت اشيك على المعاملة اللي ارسلتها اول بخصوص هذا الموضوع وطلع الرد

نصدق مين ؟؟

جاوبوني تعبت

واش رأيكم في ممثلين جامعة المؤسس ؟؟