SeNsE >> مجرد فضفضة وشوية خربشآت ..

[RHF]

أم كلثوم / إنت الحب ,,



يا ما قلوب هايمه حواليك .. تتمنى تسعد يوم برضاك
وانا اللى قلبى ملك ايديك .. تنعم وتحرم زى هواك

الليل على طال .. بين السهر والنوح
واسمع لوم العزال .. اضحك وانا مجروح

وعمرى ما اشكى من حبك .. مهما غرامك لوعنى
لكن أغير .. من اللى يحبك .. ويصون هواك أكتر مني

اول عنيه ما جت فى عنيك .. عرفت طريق الشوق بيننا
وقلبى لما سألتو عليك .. قاللى دى نار حبك جنه

صدقت قلبى فى اللى قاله لي
لكن غرامك .. حيرنى وطول بعادك سهرنى
تجرى دموعى وأنت هاجرنى .. ولا ناسينى .. ولا فاكرني

وعمرى ما اشكى من حبك .. مهما غرامك لوعنى
لكن أغير من اللى يحبك .. ويصون هواك أكتر منى

أهواك فى قربك وف بعدك .. واشتاق لوصلك وارضى جفاك
وإن غبت احافظ على عهدك .. وافضل على ودى وياك

يورد على خاطرى .. كل اللى بيننا اتقال
ويعيش معاك فكرى .. مهما غيابك طال

واحشنى وانت قصاد عينى
وشاغلنى وانت بعيد عني

والليالى تمر بيا .. بين أماني وبين ظنون
وانت يا غالى عليا .. كله فى حبك يهون

وعمرى ما اشكى من حبك .. مهما غرامك لوعنى
لكن أغير من اللى يحبك .. ويصون هواك أكتر منى

ولما اشوف حد يحبك .. يحلالى أجيب سيرتك وياه
واعرف جرى له ايه فى حبك .. وقد إيه صانه ورعاه

اسأله إن غبت عنه يا حبيبى .. يشتاق اليك قدي انا ؟
وإن جافيته يا حبيبى .. يسهر الليل ويناجيك زيي انا ؟

ألاقى قلبى أنا .. حبه ما جا على بال
لا عن هواك له غنى .. ولا يوم لغيرك مال

أنت الأمل اللي احيا بنوره .. عمره ما يبعد يوم عن عينى
وانت الشوق اللى اسمع صوته .. لما تغيب عنى ينادينى
وانت الحب اللى ما فيش غيره .. لو يسعدتى أو يشقينى

وعمرى ما اشكى من حبك .. مهما غرامك لوعنى
لكن أغير من اللى يحبك.. ويصون هواك أكتر منى



عظمة يا ست ..