السنة اللي فاتت ... ايش استفدت منها (سنة ثانية)

[do0ody-do]

الترم التاني كنا قيدنا متعودين ع الوضع وجينا اختبرنا ماده بسبب المطر ..

كنت انا الليدر و كانت الليدر الي فات هي الكوليدر الجديد .. طبعا انا و عيوش صرنا الباست فريند في الدفعه .. سوينا القروب .. طبعا انا بحالي مفهية .. كيف اكون ليدر ضاعت الدفعه هههههه .. بس اعجبكم .. كنا نستغل الخمس دقايق الي من المحاضرة .. كنا نجلس انا و اميرة ع الدرج الي فوق .. و اوريها تحشيشي الغير طبيعي في الفيس بوك .. و هي بتموت ضحك .. افنان دااااااااااااااااااااايما معصبه .. و هي ماما الدفعه .. انا كنت مسؤله عن الطلبات حقت المطاعم .. فاول طلب طلبناه كان بنينوس .. و كان لو طعم جميييييييييييييييييييييييييييييييييل جدا من كثر الجوع .. و مرا في الاكتيفيتي تايم .. جبنا فيلم و طلبنا من كودو .. و اتفرجنا سينما .. توايلايت الجزء الاول .. كان اللوكر تبعي مليااااااااااااااااااااااااااااان روايات عن بكرة ابيه .. و عندنا شي في كل سنه .. اسمه الموتمر حق الكلية .. رحنا قروب و كانو كول الوقت بيتشمتوا فيني .. و انا استحي .. يقلع شكل اباليسهم .. طبعا انا و الله بريئة من كل تهمه تجي في ..


كان مرا حلو الموتمر وفاز حقنا الركن .. طبعا في مرا عن يوم المواهب للكليات الطبيه قلنا يلا نروح .. ههههههههههههههههههههههههه و الله مفاجيع .. اول مرا في الحياة نشوف عيال .. مرا مرا كنا مفجوعين .. واه غطايا فتحته كبيرة .. واه عبايتي مفتوحه .. بنات نرجع حاسة الكل يطالع في عشني بدون عبايه .. و الله تحف ..

كمان كنا لما نروح الشطر الكل قبلها بيوم داري عشان الكل يلبس السكرب .. و احم نحنا بنات طب .. تحف و الله .. وبنات التحضيري يجو .. انتو ايش تخصصكم .. هههههههههه

و مرا طلبنا من هارديز 11 و تخيلوا جا الساعه 3 .. كنسلو الطلب .. و هزاتهم كيف تكنسلوه نحنا ما دقينا وقلنا كنسلوه .. المهم نحنا بنستنا من الساعه 1 .. لما جا الساعه تلاته دق و قال انا برا .. هههههه الي ردت عليه قالتلهم ي بابا نحنا خرجنا و الله عصب و كيف معليش نحنا من 11 طالبين ي بابا ..

المهم من بعدها توبه هارديز .. كمان حفلة التخرج حقت سنة 4 .. كانت مرا مرا حلوة بنتريق ع الدكاترة قدامهم .. مرا كان حلو .. و الله .. طبعا .. اخر يوم في الاختبارات قررنا نخرج مطعم .. كنا 6 بنات .. و رحنا لشارع الاندلس ..

طبعا و لاول مرا في الحياة كلها اخرج مطعم مع صاحباتي لحالي .. دي الفايده .. انه اهلكم بيشوفوكم مكبوتين فبيرضو لكم تخرجوا .. فرصه ما تبو تروحو عند ناس ثقيلين ع انفسكم .. تعتذرو مذاكرة و انا كليه طبيه مو فاضيه .. و تتهربو من شغل البيت ..


مرا حلو ممكن تنحرمو من خرجات كثيرة بس صدقا احيانا بس بروح عشان استمتع بتعليقاتنا ع المحاضرة .. الجو هناك جدا مريح ..

و عادي بنروح نبكي عند الدكاترة .. كانهم امهاتنا .. فاااااا

استمتعو بالسنة دي لانها احلى سنة ترا احلى من التحضيري بكثير ..