خـريجـي الســـــــجـون

[بيو كيميائية ^_^]

الســـــــلامـ عليـــــــكمـ ورحمـة الله وبركــــــاتة

كــــل عـامـ وأنتوا بخــــير

رمضان كــــــريمـ

اليوم جـاوا على بالي خريجي السجون خصوصًا إن في شهر رمضان يصدر عفو عن البعض

وجـلست أفكــــــر في نـظرة المـجتمـع لهمـ

ليــــــش المجـتمـع يحكمـ بالإعـدامـ على خريج السجـون

طيب إن كان هذا الإنسان نـال عقوبتـه وتـاب وحس بغلطته وصار إنسان غير بمعنى إنولد من جـديد

وحفظ القرآن وصار يصلي في المسجد ولا يفوت فرض ويعمل خير كثير

ليش المجتمـع مايتـقبله ودومـ يقول إن هذا خريج سجون

لو جاء وتقدمـ لبنت بيرفضوهـ عشان ماضيه وغلطته اللي الله غفر له وهداهـ

لو جاء لعمـل مايوظفوهـ وإن وظفوهـ أقل مشكلة راح يحطوهـا عليه كونه خريج سجون

لو كان عندهـ عيال راح يقولون لعياله أبوكمـ خريج سجون

هذا غير النـظرات والكلامـ بين بعض والنظر لهمـ

يعني هو إنســـــان وغلط وتاب والله غفر له وصار حديث الإيمان ليش مانـاخذ بإيدهـ ونضمـه لنـا ونخلي إيمانه يقوى ونبعد الشيطان عنه

البعـض منهمـ يضطر يعمل جريمة عشان يرجع السجن ولا يعيش في المجتمع اللي ينبذهـ

ويعتبر السجن أفضل من الحرية

مرة سمعت قصة لا أعلمـ مدى صحة القصة

لكن عجبتني

كان فيه أب عندهـ ثلاث بنات تزوجوا ثنتين و ضلت وحدة

وجاهـا واحد كان خمار وإنسجن وبعدهـا تاب وطلع

تزوجته وكانت هي أكثر وحدة سعيدة ولما مرض أبوهـا ماحـد وقف وقامـ في أبوهـا إلا هذا الإنسان اللي كان خمار وخريج سجون


أخيرًا

إذا الله غفر إلى إنسان أنا مين عشان أجي أحاسب هذا الإنسان على ذنب رب العالمين غفر له وهداهـ