•·.·°¯`·.·• أســنــانــيــات •·.·°¯`·.·•

[Kaira]

المشاركة الأصلية كتبت بواسطة dr~nanoook clearance form قائمة المستلزمات والمستحقات اللي علينا! أو (اخلاء الطرف) بنهاية السنة لازم نسلم كل الأدوات و الأشياء للكلية.. ولازم نلف على كل مكان نجمّع توقيعاتهم واننا اخلينا كل شي من عندهم ! بجد بهدلة ومشااااااوير.. وكل مكان بالعيادات وبالكلية رحناه "^^ أهم شي نخلص من كل ملفات المرضى اللي تحت اسمنا وعالجناهم طوال السنة نعمل ورقة مخصصة.. ونكتب الخطة العلاجية والأشياء اللي عملناها للمريض.. وايش يحتاج عشان يحولوه للقسم الخاص بيه بعدين نوقعه من الدكاترة << لكل ورقة وملف! وبعدين نسلمه للادارة طلعة ونزله .. بكل الأماكن اللي بيعطوا فيها الأدوات حق العيادة بالدور الأرضى و الأول والثاني ! الطواريء .. العيادات التخصصية.. المخزن .. وكل مكان يخطر ع البال << وما يخطر كمان :p رحلة تتكرر كل نهاية سنة اكلينيكة للاسف ! ولأنها أول مره لينا بسنة رابع .. وكتجربة جديدة وأليمة ومتعبــة "^^ كان لابد من توثيق الحدث ~ بداية الرحلة مع تخليص ملفات المرضى المكتوبة تحت اسمنا يومتها جمعّنا أوراقنا و الملفات وعفشنا كله وقعدنا على "الطاولة المستديرة" بوسط العيادات عندنا فوق << واللي ما يشتري يتفرج xp ~ واخيييييييييرا بعد عناااااء.. ولفلفة ومرمطة بكل مكان اكتملت اللستة وخلصناااااا شعوور رووعة وقتها :")

أحسو حلو زي كإني بلعب إبحث عن التوقيع المفقود في اللستة أو زي ألعاب البلاستيشن كدا حقت المغامرات والتختيم وكمان فيها طلعة ونزلة ونروح هنا وهنا ومن مرحلة لمرحلة ياااااااسلااااااااااام >> شكلنا راح ننحف مزبوووووط والله على نهاية السنة أهاهاهاهاهاهاهاها

ممممممممــ أنا كنت أشوف بنات سنة رابع وخامس كتييييير في المصلى و الممرات جالسين ومعاهم زي دي الأوراق وكدا حسيت فية لقافة وأبغا أسألهم ايش دا ؟!
>> والله سنة تاني مرررررة نحس نفسنا كتاكيت جمب كل الدفعات إلي فوقنا
كإننا في عالم آخر غيــــــر وهمة في عالم غيييييييير مرة ..

بس بدي أسأل أيهما أكتر هجولة على مدار السنة ؟؟ تالت ولا رابع ؟؟