نهااااااااية اخر امل لنا مع عميد كلية العلوم آه بس راحت علينا

[Dr.SoOoMa]

المشاركة الأصلية كتبت بواسطة the doctor احم احم الدكتور وصل اول شي احب ان اشكر الدكتور سوما من اعماق اعماق اعماق قلبي لانو من جد من جد شخص رائع بمعنى الكلمه يكفيكم بس انو طيب وحبوب واجتماعي(فريندلي)وحماسي وما يسكت عن حقو والشي الاخير هاذا هو اللي كان الدافع اننا نروح كلية العلوم طبعا الفكره جات من يوم نزل الجدول كلمني حسام وقلي انو الجدول صعب ووووو.... وقال نبغا نسوي حمله جديده قلتلو اوكي بس ذي المره هنغير الاستراتيجيه بدون تواقيع بدون خطابات بدون رووساء اقسام هنروح على طول لعميد كلية العلوم فكلمنا الشباب فقالو اوكي بس مع الغياب واختبارات الانجلش ما لقينا فرصه مناسبه لدرجة انني انا بطلت وقلت هذاكر بدل ما اضيع وقتي((الصراحه اني انا شايف الجدول مقدور عليه يعني اللي يبغا يشد حيلو يقدر بس برضو من حقنا نشتكي ونطالب بالاحسن لنا)) ولين ما جا الربوع كلمني حسام وقلي كيف فقلتلو قدام وصار اللي صار وانا بستغل ذي الفرصه عشان بقول لكل واحد شكك في امكانيتنا او استسلم للوضع اللي هوا فيه و قال انو ما في امل لا يا حبيبي في امل......ما في شي في هذي الدنيا مستحيل بس اهم تكون مومن ايمان كامل انك تقدر تغير وصدقني هتقدر تغير((واللي مو عاجبو كلامي يقرا كتب عن المواضيع هاذي او يدخل دورات وانا ارشح كتاب ((السر)) واي دوره للدكتور خالد ابو الشامات<<يسعدك ربي يا شيخ والاستاذ وجدي خياط وهتعرفو انا عن ايش اتكلم)) لكن انا من جهتي ما كنت متوقع انو الجدول يتغير لكن كنت عارف انو في شي هيصير وهيتغير للاحسن والحمد لله كلمنا الوكيل عن موضوع وقت الاختبار ووافقنا الراي ووعدنا انو هيتغير لساعتين فلما تدخلو لجنة الاختبار وتشوفو الوقت مكتوب ساعتين ادعولنا وادعو للوكيل والصراحه بعد المقابله هاذي اكتشفت حاجه (( انو اغلب دكاترة الجامعه طيبين بس اللي يفرق معاملتهم مع الطلاب والصراحه هاذا راجع لمعاملة الطلاب نفسه فهم يضطرو انهم يغير معاملته معانا)) وللامانه انو الوكيل كان في قمة الاخلاق وكان متفهم وضعنا ويبغا يساعدنا الله يجزيه عننا الف خير وفي النهايه احب اشكر الدكتور سوما مره ثانيه وبرضو بشكر اعضاء المنتدى اللي جابو الفكره هاذي وحمسونا وإن شاء الله نكون سوينا اللي علينا وثانكس سوما اقين

الله الله على الكلام الجميل ياعبدالله احرجتني واحرجت تواضعي

يعطيك الف الف عافيه على الكلام الجميل

وشكرا لك