تجمع طالبات اللغه الانجليزيه جميع المستويات

[MS.Fabulous]

المشاركة الأصلية كتبت بواسطة Me :) كيف حالكم ياحلوات ... اكيد الحذف والاظافة مشيب روسكم حبيت اساعدكم واعطيكم نبذة مختصرة عن الاستاذات اللى درست معاهم الاستاذة اللى ماذكرت اسمها (يعني مادرست معاها ) ok حاذكر كل الاستاذات الموجودين بقائمة الشعب لترم دا نبدأ بسم الله سوسن الجحدلي : اسئلتها عسل وهي عسل واللى تدرس معاها محظوظة. زينة الشهراني: ماتشرح بس اسئلتها مو صعبة ولا سهلة بس اللى تزاكر تنجح. حصة الراشد: شرحها كويس واسئلتها شويه صعبه بس تحب البنت اللى تشارك معاها وتعرف تكتب براقراف كويس تنجح. مني ماوية: اخلاق حبوبة تشرح وحاضراتها كلها حلوه اختباراتها تتدرج بين الصعب والسهل يعني مش كل الاسئلة سهله ولا كلها صعبة وتنجحوا معاها. سامية رحيم الدين: محاضراتها سيئة وتسب لكن لاتتاخروا على محاضراتها ولا تتكلموا اثناء المحاضرة .... والاسئلة تقريبا مقالي احفظي لها الكتاب تنجحي. مريم الجوفي: تتفلسف في المحاضرة كل المحاضرة سواليفها وتخلي البنات يقروا في المحاضرة وكمان تدي فوكابلري كتيييييييير وعلى غير فايدة واسئلتها زفت ماتعرفي اش تبغى بالضبط زي ماقلت بس تتفلسف. نورة المالكي : ياناس عليها .... مرة عسل وشرحها عسل واسئلتها حلوه بس تحب الواجبات كثير وتحذف من المنهج يعني تاخذي المادة معاها وانتي مرتاحة. هند فريج: مادري من فين ابدأ والا كيف انتهي .... شرحها واضح صوتها في المحاضرة مررررررررره واطي لازم تجلس قدام اذا تبغى تسمعي .....تقوم البنات فجأة فكوني مركزة مزبوط اسئلتها حلوه لكن احيانا يجي لك سوال صدمة ... شادية بنجر: كلامها كتير والمناهج معاها كتير ودائما ملخبطة وتشرح وتعيد الكلام اليوم التاني كلام غير ماتفهمي اش تبغى اسئله الاختبار تقولها قبل الاختبار (احسن من كدا اش تبغى) وتحب البنات يسووا لها عرض كل طالبة وحدها .... والواجبات اول بأول. مني بادويس: مخلصة بالشرح حتي لو انتي نايمه بالمحاضرة تفهمي ... اهم شي لازم تشاركي معاها في المحاضرة اكتر من مره وحتنجحي.... لكن لو ما تشاركي وتغيبي حترسبي....اسئلتها مش سهلة ولا صعبة. اميرة قشقري: ماتشرح البنات هم اللى يشرحوا(عرض) وفي النهاية تنجحي (للامانة مادرست معاها لكن هذا اللى سمعت عنها). سميحة حداد: تشرح ومحاضرتها كويسة ...اما اسئلتها صح وخطأ واختياري وفراغات اما المقالي في اختبار تاني مثل الكويز ....اسئلتها حلوه للى زاكر لكن الفراغات موووووت... واحيانا تلعب بالصح والخطأ يعني تلخبطك ماتعرفي اش الاجابة الصح.بس للامانة نجحت معاها ب89 يعني اللى يركز ويزاكر ينجح. منال باتوبارة: شرحها حلو واسئلتها عسل مثلها بس تحب البنات يسووا عرض كويس وتنجحي بدرجة حلوه... اهم شي عندها البنت اللى تعرف تكتب براقراف ومرتب. ليلي الدخيل: كلامها مررررررررررررررررررررررررررررررررررررررره كتير وصعب وكمان اسئلتها ...البنات كانوا يسجلوا محاضراتها وبعدين يكتبوها ... كوزاتها كتير يعني لازم تجهزي حالك من بدري....ونصيحة لاتاخدوا معاها شي . فوزية اصيل:سمعت عنها انها كويسة وشرحها كويس لكن اسئلة الاختبار غريبة .مادرست معاها اما العرض لازم يكون ممتاز علشان تديكي الدرجة الكامله. ايمان تونسي: اسلوبها في تقسيم الدرجات متعب يعني 15 اختبار و10 واجبات 3 نشاط 5 تروحي الجامعه ومادري اش تسوي وهكذا يعني طلباتها كتير لكن المنهج مريح معاها تسوي عرض مع القروب . اسئلتها سهلة للى يفهم اش تبغى ( نقلا عن البنات اللى درسوا معاها). فتحية الغريبي: شرحها حلو ..لازم تشاركي معاها..تسوي عرض...اسئله الاختبار حلوه للى زاكر لكن فيها اسئله صعبة....لازم تجهزوالها كويس الاسئلة المقالي(تجيبي من النت من استازة من اي مكان لان اكبر درجة على المقالي). نادية بامدحن: شرحها حلو كل اللى تكتبة اكتبي معاها كل شي اللى على السبورة او حتي اللى تقولوه شاركي معاها لاتغيبي.... اسئلتها صح وخطأ فرغات تعاريف او مصطلح وفيه مقالي 5 سطور اهم شي تزاكري بتركيز. ابتسام باجري: تشرح بالعربي... اخلاق... تساعد البنات ...اسئلتها قليلة كل فقرة بدرجتين وسوال مقالي ....واحلى شي فيها تحذف للفاينل..ترتاحي معاها .لكن لاتغلطي في الاختبار نهائيا ...احفظي لها المنهج زي اسمك. فاطمة الياس: تسب فلا تستغربي منها ... شرح ما تشرح البنات يسووا عرض الاسئلة موضوعي النجاح بالستين (الله اعلم شكلها ماتصحح لكن تنجح على ال 60) نوف الخطابي : مادرست معاها لكن البنات يمدحوا فيها وتنجح. فايزة كلكتاوي: كمان مادرست معاها ...سمعت بنات يمدحوا في شرحها واسئلتها. بقية الاستازات ما اعرفهم ومادرست معاهم.... بتوفيق ان شاء الله وتتخرجوا مثلي اي وحدة عندها سوال تتفضل.

يعطيك العافيه اخيييرا احد متخرج ساعدنا
مع اني اختلف معاك في ليلى الدخيل وربي هالاستاذه عسسسل انا عن نفسي ساعدتنا كثير في الادب والكويزات كانت تافهه والواجب مع انه كان صعب بس حليناه واحنا مو متاكدين بس عطتني الفل مارك حق الواجبات والكويزات
وفي الميد التيرم احلى شي انها كانت تقول لنا ايش نذاكر وتجيب سؤالين من المقدمه او من القصائد او المسرحيه وتقول ركزو على شي واحد وهذا الشي كان مريحني مررررره حتى في النهائي قالت ركزو على جزء واحد الشعر او الدراما او القصه وحيجي سؤال على كل واحد فيهم وذاكرنا اسهل شي وجابت نفس سؤال الميد تيرم اللي حليته صح في احلى من كذا اهم شي كتابتك لازم كتابه براغراف وتكون تقريبا مثاليه وتضمني فل مارك
اختلف معاك في ساميه كمان بس عيبها كانت قله الاسئله بس الاسئله كانت تاافهه كلها من الكتاب بس نحفظ كويس وكله تمام وكانت تأشر كمان المهم وتجيب من التمارين
لا تسيبنا me نحتاج خبره الخريجات
عقبال الماستر ياعسل مبروووووووك