نداء الى بيو كيميائية .. جدولي :(

[shahoooda]

والله يا بيوكيميائية انا اليوم رحت الجامعة عشان الجدول ... والله رحت الصبح ورجعت الظهر .. والاخلااااق مرررة بطالة .. وكل وحدة ترميني على الثانية ... ولمن جيت اختار مادة حررة قالتلي مافي غير اللي في الورقة دي .. ولمن شفت الورقة .. كل المواد الحرة اللي فيها من قسم الجغرافيا والدين .. بس مافي غير دي المواد .. وجلست اقولها انا ما ابغا كدة يا بنت الناس تقولي بس دي الي في ... وجلست تحسبلي كم ساعة سار جدولي طلع 12 قالتلي مررة قليل فا حطيت تاني الاحياء 2 ومررررررررررررررررة خايفة منو ... انا دحين جدولي سار ( كيمياء حيوي ( وترى ما جاني معمل معاه ) - معمل احياء - معمل كيمياء - عربي - ثقافة - احياء 202 ومعاها عملي مدري ايش يفرق عن معمل الاحياء دا ؟؟؟ ) ودحين انا سار عندي 16 ساعة .. هل تقدري تضيفيلي مادة حرة ؟؟ ( مؤؤسات معلومات ) ؟؟؟ ............ والله العظيم ما تنفع المرمطة دي واحنا لسة ما بدأنا