خاص بمواد طلاب وطالبات كلية العلوم

[الشيمآء]

السلآم عليكم ..

ح ابدأ بالمواد اللي أخدتهآ :)

1: معمل الكيميآء العآمـة 281

مع أستآزة إيمآن الغآمدي ..
اللآب سهـل و خفيف ..
و بيخفف ع الوآحد ضغط المواد التآنيـة <~ كنت مآخدة 18 سآعـة

2: معمل الأحيآء العآمـة 281

المعمل دآ لو يهجدوا عنو شويـة كآن سآر حآجة مسليـة ..
بس الأستآزآت الله يهديهم عآملين زحمة عليه لدرجة تكرهي أبو أهل الأحيآء :(
اختبارات دورية كل أسبوع ,
نشآط ,
رسم ,

أخدتو مع مس حبيبـة , مس هنآدي, مس رزآز و مس عبيـر
و كولهـم جيدين :)

3: أمن و سلآمـة المختبرات BIOC200

مع مس مونزا ..
المنهج على بعضـو 7 محاضرآت
و مس مونزآ أغلب الأيآم ما بتحضـر .. أو تحضـر متأخـر
مرة جآت بعد أكتر من نص سآعـة و حضرت

أسئلتها مقآليـة بالدرجة الأولى و فرآغآت ..
و قليلــة جددددن :(
كل فرآغ بدرجـة ..
التعداد كل تعداد بدرجـة ..
الاختيآري بدرجتين
اتجننت معآهــآ :(
بس في النهآيـة تديكي درجآت ما تدري من فين ;)

المحآضرآت + تلخيص طآلبـة اللـه يسعدها – مرتبـة الموضوع , السلايدات عايمة ع بعض :/ - + نموزج أسئلة هنــــآ

4: العربي 101

أخدتو مع أستآزة رحمـة ..
الأستآزة جدآ ممتآزة .. و بتبسط المعلومآت ..
و عمومآ المنهج بسيـط ..
أغلبـو نحو :)

5: أحيآء 202

المنهج جدآ حلـو و مسلي ..
ما عدآ آخـر شآبترين , كريهـة :/
- الهرمونات الحيوانيـة
- الهرمونات النباتية
- الجهاز العصبي
- الحواس
- الجهاز الدوري الدموي
- الجهاز المناعي
- السلوك
- و أخيرًآ البيئـة

أخدتو مع د. فآطمة القدسي ..
الكلآس معآهـآ ممتع ..
إنسآنة أخلآق ما شاء اللـه ..
+
شرحها ممتآز
+
حقآآآنيـة ..
مستحيـل ترفع وحدة درجة من غير ما ترفع الباقيين :)

امممـ .. ايش كمآن !
ايوهـ في اختبآر بنهآيـة كل شآبتـر
و أسئلة د. فآطمـة أسئلة تفكيـر *_^
ح تتسلوا و انتوا تحلو الاختبآر :)

اللاب جيـد ..
أحلى شي لمن شرحنــآ الفآر و عين البقـرة XD
كآن قمة الحمآآآآآآس
لو تبغوا الصور .. تأمروآ

6: الكيميآء 202

المنهج الصرآحـة ممل
و لآبـو كمآن ممل :/

كيميآء فيزيآئية
الطآقـة و تحولاتهـآ
الخلآيآ الجلفانيـة و الخلآيا الكهربائيـة و البطآريآت

أخدتها مع أستآزة نهى الوزآن :)

أسئلة أ. نهى + حلولهـآ + نمآزج أسئلة من الأخ عبودي18 - جزآهـ الله خير - هنـــآ

7: الكيميآء الحيوية BIOC201

المنهج مو بديكا الصعوبـة *_^
بيتكلم عن الكربوهيدرات ،الأحمآض الأمينية، البروتين، الدهون، الأحماض النووية، الإنزيمات، الهرمونات و آخر شي الفيتامينات ..

أخدتو مع د. كريمـة ..
تنوِّم :/
بس كتيـر قآلوا لي إنها كدهـ بس في دآ الكورس .,
في أيض 2 كويسـة :)

السلايدات + تلخيصي :$ هنـــآ

* السليمآنيـــة

ليآ بآك إن شآء اللـــه :)