الصراحه.....

[ابو غرام]

الجبال اللي تزحزح ما تزيح
والغصون ادنى هبوب تزولها
أعتنز على جبل ولا تطيح
الجبال تذري اللي حولها
والصراحه مزعجه وأنا صريح
تزعجك ماتزعجك بأقولها
شاعر موهوب ولساني فصيح
وعابرن عرض البحور وطولها
والافاعي روسها تندح نديح
والعقارب سمها بذيولها
والشعر هذا قبيح وذا مليح
وكل أبوها سارين مفعولها
ما على الدنيا ضميرن مستريح
كل خلق الله تعن خيولها
ذا يون وذا يحن وذا يصيح
وذاك يخطف راسها ورجولها
والا انا ما قد مدحت إلا المليح
الجمال اللي تشيل حمولها
والصراحه مزعجه وانا صريح
تزعجك ما تزعجك بأقولها
وإلا تدري ما يصح إلا الصحيح
خاطب العالم بقد عقولها.





مع تحيات. ابو غرام