تجمع الطالبات المقبولات في الدبلوم التربوي - فرع الفيصلية

[فينا]

المشاركة الأصلية كتبت بواسطة خآطري مستهآمك أنا بعد كنت موجوده هناك لما تكلمت الدكتورة مدري شسمها وقالت الدوام ف الرحاب , وللآن ما في شعبة مسائية لأن العدد قليل وأنا كنت اتحاشى أجي هنا الظهر واكتب اللي ب قلبي أقول خليني اروّق وبعدين أقول اللي أبيه وللآآآآن لا روّقت ولا هم يحزنون , إلا زآآآدت حرتي حسبي الله عليهم - حنا لما قدّمنا كان تقديمنا ع أساس الفيصلية واخترناها ب كآمل إرادتنا ويجون قبل الدراسة بيومين يقولون (كويس لقينا لكم محل ف الرحاب) وحنا وش ذنبنا إذا م خططتوا من قبل ووضحتوا لنا كل شي من وإلى ليييييه المرمطة والمسخرة اللي حنا فيها ذي !!! وإلا تعهد الرسوم أهممممم ؟!! إذا انسحبتي راح يخصم كذا وكذا فعلاً جامعة مادية ومن أهم أولوياتها , والطالب ولا شي بالنسبة لهم بعديييييين من صغر الفيصلية يعني !! وإلا ضآقت الأرض بما رحبت علينا احنا ب الذات !!؟ لا وضوح ولا شفافية ولا تخطيط ونظام متخبط بكل م تعنيه الكلمة , كل يوم كلمة ورأي وآخرتها الرسالة اللي مو عارفين من أرسلها , فيه تخبط أكبر من كذا ؟! وموظفات يتكلمون من طرف خشومهم , كأنه الدراسة من جيبها !! والله العظيم محد كفو للكرسي اللي قاعد عليه ولا مأدي أمانته زي م أعطاه ربي قسم بالله أعرف مسؤول كبير ب الجامعة ومضبط أمور عياله وكل عايلته وهذا طبعاً ديدن أي مسؤول وإلا وزير كان ف هالبلد ولو أحد من قرآيبه طلب الجامعة ل بيته , يجيبها له بس عشآنه وآسطه و وآآآحد وآآصل ، لكن حنا واسطتنا الدعاء ل ربي سبحانه وسهام الليل لا تخطئ , وعسى حوبتنا م تتعداهم يآرب .. لحد يجي مدرعم ويدّعي المثالية ويصف لي من هالحكي روقي وأهدي ومدري أيش , أنا يمكن كنت لا مبالية أول وكنا رآيقين ونرسل خطابات ولا غلطنا على أحد بس إنها توصل لهالحد معليييييييش هذا حق من حقوقنا وفوق كذا جايين لهم ب كرامتنا ودافعين لهم مبالغ وقدرها ومع ذلك يتمنّون علينا وكأن الجامعة جامعة آل فلان مو المؤسس قسم بالله طابت نفسي من هالدبلوم وعفتـه - حسبنا الله إليه المشتكى .

الله يسعدك ياشيخة بردت قلبي أقسم بالله قمة المهزلة إنت يقولون لك كلام وأنا كلام ثاني والله رحت اليوم وقالوا لي الدراسة في الفيصلية ايش هالتناقض وللحين مانعرف فين راح نداوم الله يجازي اللي كان السبب سوء تخطيط وعدم تنظيم من البداية ولاندري من المسئول وفي النهاية الضحية الطالب تحياتي