الى متى هذي المرمطة والكلام الفاضي ..!!!

[mamh]

السلام عليكم ورحمة الله وبركاته

ماا ادري ايش اقول بس اقلكم ايش صار معايا وانتو احكمو ...

انا عندي 12 ساعة في الجدول ومن الاثنين الماضي ابغى اضيف ie200 قالو الشعبة مليانة .
طالبت بالتوسيع زي الطلاب الباقين ووسعو الشعبة ورحت للدكتور عبدالعزيز تيفوتي الله يجزاه الخير قلي بسجل اسمك عندي و احضر زي اي طالب بس روح عند الدكتور هيثم بوقس اللي هوا وكيل الكلية عشان يضفلك المادة ... وانا والله يا جماعة من يوم الاثنين الماضي وانا متمرمط بين المبنى اللي فيه الوكيل اعتقد 45 ومبنى 48 كل ما اروح عند الوكيل يرسلني لمكان ثاني والمشكلة كل ماتجيه مو فاضي ولا اجتماع ولا عندو محاضرة ماتدري ايش بالضبط .... اخر مره شافني امس وهوا يشيك مع العميد على المحاضرات طل فيا حسيتو حن عليا شويا وطلعت عندو بعد المحاضرة قلي طيب خلاص اكتبلي ورقة وخليها عند السكرتير وانا اضفلك ياها والله وزي ما انتا لا ضاف ولا سوى اي شي .... وقبل كدا رحت عند عمادة القبول والتسجيل عند الرئيس نفسو حق الحذف ولاضافة ,, دخلت عليه وهوا بيحذف لطالب وبيضيف كم مادة له .... جيت اكلمو قال لا مو عندي !!!!!!!!!!!!!!!!!!!!!!!!!!!!!!!




ابغى اعرف في أحد ثاني مانعرفو عشان نروح نترجاه ويضف لنا مادة وحدة بس ؟؟؟!!!!