~| أخبــآر الحذف و الإضـآفة و تنظيم الجدآول لطَـآلبـآت الإنتسـآب|~

[ام حمدان]

المشاركة الأصلية كتبت بواسطة sarona dalo3a ايش رايكم ب د.سميه خلف للفرنسي كيف شرحها وكيف اسألتها لاني ما قدرت اضيف مرفت الببلاوي مو متاح الا شعبة سميه .. ما نستغني عن خبراتكم يا عسولات ..

للامانه ماجربتها من قبل بس كانه اذكر يقولوا انها كويسه بشكل عام استاذات الفرنسي تمام بس دكتوره ميرفت افضلهم

المشاركة الأصلية كتبت بواسطة lolaa.2 السلاااااااام عليكم ورحمه الله وبركااااته .. وعليكم السلام ورحمة الله وبركاته كيفكم مع العام الدراسي الجديد ان شاءالله تكونو بصحه وعافيه يارب ومصحصحين ومو مضيعين زي اختكم .. <<تدور على أم حمدان هههههههه ياشين الواسطات بس ام حمدان حبيبي كيفك ايش اخبارك ايش مسوية؟ بخير ربي يسلمك ياعسل طبعا زي منتي عارفه اختك دايما تجيب العيد في ترتيب الجدول وغير النحاسه اللي لاصقه فيني الحمدلله الي رجعلك عقلك وتراجعتي عن الي فبالك والله يبعد عنك النحاسه يارب ..ماعلينا ..طبعا انا ابغى سته مواد وجدولي ياستي زي كدا: مناهج البحث+ النحو+الصرف+علم الأصوات بس :( وانا حبيت اضيف لغويات اجتماعيه بس اتعارض مع مناهج البحث واستغربت مع انو مناهج البحث سنترا يعني مالو دخل علشان يتعارض تتوقعي لازم اروحلهم علشان يضيفوها ليا ؟؟!! هو ماله دخل بحكايه سنترا او لا التعارض يحصل بسبب وقت المحاضره في الجدول بغض النظر كانت حضور او سنترا وطبعا ابغى دراما او فكشن بس برضو بيتعارض يعني الواحد مو عارف ايش يسوي ..شكلو الجامعه حالفه يمين اني ما اتخرج الا بعد سنتين هههههههههه ايش تنصحيني؟؟:(

انا اشوف تكتفي ب5 لو تقدري بس تضيفي فكشن او دراما على جدولك وانتهينا واذا مررره مصره على ماده سادسه خذي الجديده مادة العلوم الطبيعيه اذا نزل رمزها وشعبها
لكن 6 تخصص احس زحمه خاصه مع البحث ترى فيه مقترح بحث وشغل

وانتي لك حريه الاختيار فكري
وعن البحث وحكايه التعارض روحي لمس جميله وقوليلها عشان افتكر لمن شافوا خريجات محتاجين ياخذوا بحث ومتعارضه الشعبه معهم فتحوا لهم شعبه وهميه ماتتعارض مع اي ماده بس يتاخر فتحها شويه وطبعا تكون مع مس نجوى برضو
موفقه

المشاركة الأصلية كتبت بواسطة #روووح# مرحبا عزيزاتي.. هذا اللي قدرت اضيفه.. ما كان عندي جدول بس اضفت من الحذف والاضافه... كذا تماام.. راح اضيف ثقافه وعربي واحتمال شباب وقيم مواطنه.. ما راح اضيف العلوم الطبيعيه عشان اشوف اسئلتها وتجارب عنها... بالتوفيق للجميع.. واذا فيه شي خطاء يلغوني(: ربي يحفظكم.^^

هلا ياعسل
خلاص بمجرد ماتنحل مشكله اضافه المواد هذي اضيفيها ويصير جدولك 6 مواد وكامل ولو حسيتي نفسك مضغوطه ومحتاجه تحذفي وحده تقدري تحذفي الشباب وقيم المواطنه
موفقه

المشاركة الأصلية كتبت بواسطة الملاك الأبيض ام حمدان الله يسعدك انا فعلا شيكت على آراء الطلبة حول المادة الحرة وغيرت رأيي وحذذفتها على السريع >>خااافت من الردود ههههه المهم انا من زمان نفسي اضيف مادة علوم القرآن بس ماهي نازلة عندي في قائمة الحذف والاضافة ويطلعوا لي بس مادتين للثقافة الاسلامية وعلوم القرآن مو من ضمنهم . بصراحة طفشتت وانا احاول والمشكلة لما اشوف قائمة الشعب الاقي المادة شوي وتصير فلل طب كل دول البنات من فين ضافوهاااا ؟؟؟ بتجنن عندك حل ؟؟؟

ويسعدك ربي
هههههههه
شوفي ياقلبي ماتقدري تضيفي حره غير الموجود في اللسته
لذلك حاولي تنبشي على شي ثاني غير علوم قران لانها مو موجوده والي تتكلمي عنهم واضافوها اكيد طالبات قسم الدراسات لانها ماده اساسيه عندهم مو حره
فكري طيب في مدخل علم نفس بس انتظري اسماء استاذاتهم تنزل واختاري افضلهم
هي على الاقل اختبارها موضوعي مو مقالي

موفقه

المشاركة الأصلية كتبت بواسطة wed0o0 مرحبا نور وام حمدان ابا اخد رايكم ..صرت ملخبطة ومحتارة فجدولي ناس تقول البويتري اسهل وناس تقول النقد اسهل شو رايكم .. عندي س.ث.ر , اخليها: سمينار-بويتري-شكسبير او سمينار-كرتسزم-شكسبير او كرتسزم-بويتري-شكسبير اللي نازلي حاليا البويتري وشكسبير... وكمان ح.ل , محتارة بين : ريسيرش او سوسيو او فكشن, كلها بنفس الوقت وما بدي افوت لا نجوى ولا خولة بس حاليا نازلي في الجدول سوسيو الريسيرش فللل , وكنت ابا اضيف المودرن بس مع سوزان و سوووري ع الاطالة

هلا ياعسل
شوفي بالنسبه للبحث فاقولك نفس الي قلتله لlola.2
اكيد بيفتحوا شعبه وهميه بس لازم تروحوا تقولوا لمس جميله حتى يحصروا الاسماء وكذا
ولو فتحوا شعبه جديده فراح تقدري تضيفي الريسيرش إن شاء الله بدون ماتواجهي تعارض مع اي ماده
وعن الشعر والنقد
لو تقدري تضيفي الاثنين وتحضري محاضرة ولا اثنين منهم وتقرري بنفسك الاسهل والاخف
لو كانت مس سهام بتمشي نفس منهج الشعر تبع الترم الماضي ونفس التحديد فاتوقع الشعر بيكون اخف

ويصير جدولك
447-331-448-422-424

ولا تنسي ان في السيمنار بحث فلا تزيد اكثر من هذول وربي يسهلهم عليكي ونفرح بتخرجك قريب والجميع يارب

المشاركة الأصلية كتبت بواسطة afnan إن شاء الله حتكون موادي writting 2 reading 2 resarch draama m linguistic #حلووو وناويه اذا سددت ونزلى جدول على كيفهم اروح الجامعه اغير وادعولى ربى يسهلى امرى ومديرى فى العمل يخلينى اخرج احضر المحاضرات

اوكي جدولك كله مواد ضروري تخلصيها وماانصحك تزيدي عليها شي يادوب يكفي الوقت وبمجرد ماتنزل اسماء الكتب ابداي مذاكره حتى ماتتكوم عليكي الدورس
ومايحتاج تروحي الجامعه بمجرد ماتسددي لو نزلك جدول مو عاجبك انتي عدليه من ايقونة الحذف والاضافه وربي يسخرلك مديرك ومايعارض حضورك المحاضرات
موفقه

المشاركة الأصلية كتبت بواسطة 1+1=3 حره وبكيفي صباحكم نور وورد منثور .. كيفكم ان شاء الله بخير ؟ بنــــــات بليز ساعدوني .. نزل في جدولي ( مودرن - دراما - نقد ادبي - فونولوجي ) وبقى لي ( فكشن - ابلايد - شعر - سيمنار - شكسبير - براكتكم - مقرر حر ) ايش رايكم ؟؟؟؟؟ المقرر الحر انا اضفت مدخل الى علم النفس ماادري اذا سهل او لا ؟؟!!! بالتوووفيق للجميع (:

اتوقع طالما مادرستي لاشعر ولا دراما ولا فكشن فما راح يسمح لك بالمودرن فاجليه لبعدين
والسيمنار خليه لبعد ماتخلصي الفونولجي بالمره
خذي
335-343-342-447-حره
احس كذا كفايه وكل مواد تقريبا دسمه الله يعينك
لو مضطره تزيد كمان ماده نقد او ابلايد
مع ان الاثنين زحمه بس شكلك مو ناويه تزيدي ترم كمان

إن شاء الله كمان يفيدونك الخريجات عن هذي المواد
موفقه وربي ييسر تخرجك

المشاركة الأصلية كتبت بواسطة بهار السلام عليكم ورحمة الله وبركاته وعليكم السلام ورحمة الله وبركاته اخواني واخواتي كيفكم كل عام وانتوا بخير وبصحه وسلامه ونجاح ياررررب وانتي بصحه وسلامه يارب انا حابة استفسر عن الاودس اليوم فتحت صفحتي ولقيتهم كاتبينلي بالمعلومات العامه اني بالفصل 1 كييييف كدا وانا باقيلي 3 او 4 مواد بالكثير واصير في المستوى الخامس ؟؟وثانيا ياطويلين العمر حابة اسألكم على الخطه هما غيروها ولا ايه لاني مالقيت فرنسي2 وغير كدا لقيت 3 مواد حاطينها كان مكانها مقرر حر ودحين هما كاتبين ايش هي المهم كاتبين ( الشباب وقيم المواطنة و مقدمة في العلوم الطبيعية و الفكر الفلسفي في ضوء الاسلام ) الله يخليكم فهموني ايش الهرجه ؟؟ وبسألكم متى اخر موعد لتسديد الرسوم واحد عندو فكرة متى بنبدأ الدراسه واخر شي كنت حابه اخذ رأيكم في المواد اللي ناوية اخذها هذا السمستر ان شاءالله انا ناويه اخذ ريدنق1 لاني حملتو من سنة تقريبا وكمان ابغى رايتنق 2 وبصراحه كنت كمان ابغى مقررين حرين بس بعد ماشفت الخطة اتغيرت مافهمت اخذ 2 من المواد اللي كتبتلكم هي في الاقواس ولا كيف ؟؟علشان ان شاءالله وبإذن الواحد الاحد يصير باقلي رايتنق2 ومقرر حر واحد وادخل عالمستوى الخامس يارررررب ..عارفه طولت عليكم وان شاءالله مااكون لخبطتكم الله يرضى عليكم دنيا واخره محتاجه ردكم ونصيحتكم لاني متوترة هذي الايام وموقادرة افكر لاني ان شاءالله بكرة الصباح عندي عملية كبيرة وخايفه الله يستر ويكون بالعون ..صحيح انكم ماتعرفوني بس محتاجه دعائكم ومولازم تكتبوه وتتعنوا بالعكس الدعوة بظهر الغيب حلوة كمان ومشكورررين جمعيا وبالاخص ام حمدان والملاك الابيض ونور العمر لانهم دايما الله يسعدهم بيردوا عليا ويشجعوني وهما من الناس اللي بعد فضل الله فضلهم اني ماغيرت تخصصي وان شاءالله انا بحاول وبطمح اني اكمل للاخير والله يعطيكم الف عافيه ويحققلكم كل اللي تتمنوه

الله يفيك ويرفع عنك ويلبسك لباس العافيه يارب

بالنسبه للفصل الاول لاننا فعلا في الفصل الاول من السنه 2012

اما بالنسبه للمواد الجديده اقراي هذا الموضوع وحملي المرفق الي فيه وبتفهمي كل شي

http://www.skaau.com/vb/showthread.php?t=436091


اما المواعيد تبع الدورات والتسديد وكله
تلقيها في التقويم من هنا
http://www.skaau.com/vb/showthread.php?t=447807

موفقين