طالبات الدبلوم ..تعالو معنا غدا(الثلاثاء) الى الفيصلية للشكوى بمعاناتنا في الرحاب

[الزنبقة]

السلاااام عليييكم...بكرا (الثلاثاء) سوف نذهب انا وصديقاااتي الى فرع الفيصليه للاحتجاج وللمطالبة بحقوقناااا عند عميدة الدراسات العليا ...نرجو من اغلبيه الطالبات الذهاب معنا غدا , لان اذا كان عدد المحتجات قليل فلا فائدة من ذهابنا ...
.يجب ان يرجعونا الى الفيصلية فنحن لسنا بساااكتين عن ابسط الحقوق ....وهذا هو سبب نقلهم لنا المفاجئ بعد ماكان مكتوب في التقديم انها في الفيصليه وبعد دفع المبلغ لانهم مطمئنين ان كثير من البناااات عند حدوووث مثل هذه اللخبطه يسكتو ويمشو حااالهم واذا كان في احتجاج سيكون العدد قليل ...
لماذا عند التسجيل لم يوضحو ا بأحتمااااليه تغيير موقع الدراسه ؟؟؟؟؟؟
لايفوتكم لما سألنا احدى الموظفات هذا السؤال قالت وبكل ثقة ان فرع الرحااب تابع للفيصليه واان التقديم والمطابقة سيكون في الفيصليه اما مكااان الدراسة لم يقرر بعد انتو اهم شي تدرسو مالكم بالمكان ,, طيب ليش حددو فرع السليمانيه _ فرع الفيصيله ؟ ماذا سوف تفهم الطالبه عند التسجيل ؟ حيكون الدراسه في السليمانيه او الفيصليه وتحدد المكان االي يناسبها وتتفق مع اهلها وتشوف السواااق وتدبر امورها على حسب ماهو موضح ومكتوب ...احنا ايش عرفنا ان الرحااب تابع للفيصليه بصراحه يستهبلو ويصرفونا المشكله اذا سألتيهم سؤال ثاني حيقولو الفيصليه تابعة للجامعه (فلسفه)
واحدى الموظفااات قالت البنت المجتهدة والي تبغى تكمل مايهمها المكان تقدر تدبر مواصلااااات <<<<ماهي مدركة ان المشكلة الاساسيه الي تواجه الطالبات الجامعية في السعووديه هي المواصلات ...
على فكره بنات الدبلوم التربوي السنه الماضية حصلت لهم مثل هذه الحوووسه وبدل مايصحووا الوضع هذه السنه الا قامووو حاسونا زياااده وغيرو اماكن الدراسه ...وان لم يتحركن الطالبات سوف تستمر هذه المهزله لسنوات قاااادمة ...
حتى الجدووووول ملخبط .
الجدول الي في الاوديس غير عن الجدول المعلق في جدران الرحاااب ولا يفوتك غيرو الجدول الي معلق في الجدران مرتين لسا وانا خااارجه في الظهر من الكليه شفتهم يشيلو الجدوال القديمه ويحطو جديدة هههههه والله من القهر ماكتبتها خليتها ورحت لاني مااضمن يجو الاربعاء يغيروه ثااااني
ووحده من الدكتورات عصبت لانها مالقيت قاعتها اتاريهم حطو اسماء وهميه للقاعات وغير موجوده اصلا , ههههه امس تخيلو تجي دكتورتين في قاعه وحدة يتفاجئو انهم في نفس القاعه ونفس الوقت ههههه ماءدري اضحك ولا ابكي
واليوم يجو حقون الامن ويخرجو البنات الجالسين في الساحه الداخلية الباردة ويخرجوهم عالساحه الخارجيه وقسما بالله ماتعتبر ساااحه وربي خراااابه اصلا شكلها زي مدخل العمااارة ماتجي 7 امتار و وسخة وباقي فيها اثار العمال اثناء ماكانو يشتغلو فيها و مافيها كرراااااسي اصلا مافي مجال يحطو كراسي وعاد مايحتاج اتكلم عن الجووو وخصوصا في الظهر ومكتوووومه لان الكليه بين عمااااير في وسط الحاارة...
ولا يفوتكم الكافتريا عالساعه تسعه او عشرة تخلص طبعا لان عدد البنات في تزااايد وزحمه فظيعه ماافكر اشتري منها فطوورري
بصراااحه قمة الاستهتار فين التخطيط والتنظيم ؟؟؟ يعني اشئاء يسيطة واساسيه ماهم قادرين عليها لا جدول ولا مكان ولا قاعات
انا وكثير من الطالبات اصبنا بالاكتئااااب ولا عاد صارلنا نفس للدراسة ,,, والمشكلة المواد المقررة كلها تتكلم عن نظام التعليم في المملكة والادراة المدرسية وكيفيه اعداد المعلمة الناجحة التي سوف تربي الاجيال وطرق التدريس <<< بالله اذا كان هاد وضعنا مظلومين وبنعاني بعدم توفرالاشياء الاساسيه كيف سنصبحح معلمات في المستقبل بالعكس زاد التحطيم لان الموضوعات الي بندرسها لا تطبق في الواااقع لعدم توفرالامكانيااااات ...
واذا جينا نسألهم في الفيصليه عن وضعنا ولا عن الجدول ولا لما نحتج عن تغيير مكان الدراسه , يتعاملو معانا على اساس احمدو ربكم ان لقينالكم مكااان تدرسو فيه ومالكم حق تتكلموا وتحتجوا ,,,طيب اذا جامعتنا الموقرة ماهي مستعدة ولا يوجد مكان متوفر ليش من الاساس فتحوا التقديم في الفيصليه ؟؟ ليش مافي تخطيط ؟؟؟؟ بصراحه فعلا شي مؤسف ومحزن ومحطم للغاااااااية
وبصراااحه مبنى الرحاب صحيح مجدد لكن في فوضى عااااااارمة ...تلاقي الكراتين حقت الكرااااسي والمكاتب في وجهك في كل مكااان والقاعات بعضها لايوجد فيها سبورة ,,, والمكتبه لم تفتح بعد ...حتى دروات المياه الله يكرمكم مافيها قمامة وربي مافيها....واذا طليتي من النافذة يسرك المبنى الذي مازال تحت الانشاء ولم ينتهي بعد ....بصراحه ليست مرتبه ابدا
نحن كطالبات ايش ذنبنا نشوف كل هذه الاشياء التي تزيد من تحطيمنا وتقل حماسنا.....يعني بعد مانخلص دراسة يتعدل المبنى ....

والله المستعااااااان