الزواج في مملكتنا الغالية اصبح (....) لمعرفة ما الفراغ فضلاً أدخل الموضوع

[سكون الورد k.a.u]

ههههههههههههههه
استغرقت وقت وانا اقرااا الردود صراااحه !!!!
يعني لمتى العنجهيه هذي بالشاب السعودي ؟؟؟؟ >> قبل لااتطرق للعنجهيه خلني اتكلم عن التكاليف ..
صرآآآآحه التكاليف مبالغ فيها ، وشي فوق طاقة الشاب ، لكن هالشي مثل ماقلت يرجع للبيئه اللي انت خذيت منها ...
هذا وانا قاريه بعد ان عندكم بالغربيه ابو العروس يساعد العريس ..!!
حنا عندنا هالشي عيييييب وينافي سلومنا ، ولقيت الشمال مثلنا .. وقلت اشواا ليكون حنا الوحيدين اللي شاذين !!
لاحظت الاغلبيه ينسبون الجمال والدلع للأجنبيات فقط .. وحنا يمدحون فينا الأدب والحشمه والدين ..!!
وش افهم من هالكلام ؟؟؟ يعني حنا شينات مثلاً !!!!! ولا وش فينا ؟؟؟
هالشي مانلومك فيه ، لانكم ماتشوفون بنات السعوديه ، فرجاءاً ثم رجاءاً لاتتكلمون بشي ماتدرون عنه .. اللهم لك الحمد حتى ترضى ماننقص بشي وكل وحده فينا تقول الزود عندي ..
وهذا موبـ وقت اكتب القصايد والمعلقات بالبنت السعوديه ، لكن كان رداً على مشاركاتكم ..
بالنسبه للزواج من الخارج .. ومدري اذا ابتسمت للجبل وش يصير فيه ، والشمس يتغير لونها ، والقمر يقلب نجمه >> حشاااااا والله المسيح الدجال على غفله !!!!!
يعني صراااحه مدري شقول بهالردود اللي علمتنا منهو الشاب السعودي ؟؟ بهالردود اللي بينت لنا مجال تفكير الشاب السعودي ؟؟
بالنسبه لي انا .. شخص يفكر هالتفكير ، ومستعلي علي علشان اشياء تافهه تروح وترجع ..
انا ماأسأل فيه ..!! وياكثر الخليجين اللي ينشد فيهم الظهر .. ليش تفكيركم راح للجنسيات العربيه .. هم شعوب والنعم فيها لكن حنا مانبدل السعودي فيهم ، لكن مستعدين نبدله بالخليجي .. لاننا نفس بعض نفس اللهجه نفس الطبايع مع تغيرات طفيفه وليست جوهريه .. ويبقون عيال عمنا .. وخليجنا واحد
خويتي متزوجه اماراتي .. ومااشتكت من شي ابدااااا ، ولها بيت بالسعوديه وبيت بالامارات .. وعايشه عادي ..
انا صراااحه لما شفت ردودكم قلت وشوله نجند انفسنا لهم فقط ؟؟؟ لاطبعاً الخليجين موجودين ومابهم قصور عيال عمنا فيهم الحربي والعتيبي والشمري والعنزي و .... الخ من الوجيه الطيبه ولاتهون باقي القبايل

لاحظوا مثل ماعندكم بدائل حنا بعد .. لكن نبقى لكم وآآفين وحاطينكم بالمرتبه الأولى للأسف
لازلت مستعجبه ردودكم مع ان النظره تغيرت بالنسبه للفتاه واهلها ، ونبذت النظره الماديه ، وصار المغزى هو الرجل الكفؤ .. ولكن وين بتلاقيه هالفتاه واهلها بمعمعة المخدارت والمسكرات اللي عاميه قلوب بعض الشباب ، هداهم الله
تحياتي