ܔْށ ٳζــْسَـاآآآ๛ ّسـُڪۇنّـﮯِ اْلّوَرّدِيܔْށ

[سكون الورد k.a.u]

كان هذا العصفور حقي



وكنت ولازلت وسأظل امووووووت فيه ، كان حبي لهذا العصفور أحلى حب ممكن يعرفه احد ..

يمكن حتى ازين من حب الجنسين لبعضهم ..

لان الجنسين قد يخونون بعض ، ويكذبون على بعض ، ويستغلون بعض ، ويعصون الله بالسر والعلن


اما حبي لعصفوري فهو حب طاهر ، حب أبدي ..

العصفور هذا عاش عندي 6 سنين ... من وانا عمري 17 سنه ..

كنت كل يوم أطلعه ، وألعبه ، وأخليه يتمشى على كيفه بالبيت .. وين مايبي يروح ..

يمشي ، يطير ـ يغرد ، يصرخ ... اللي يبيه يسويه .. وماكان ينحاش من عندي ..

بالرغم من اني اخليه براحته بالحوش .. والأفق فوق مفتوح ... لكن والذي نفسي بيده ماكان يطير بعيد عني ... وكان يطير فوقي ويوقف على اشجار بيتنا .. ويغرد ... ويرجع ينزل على الارض .. يمشي شوي ويحرك ذيله يمين ويسار ، ويتدلع علي ..

كنت اعشقه حيييييييييييييييل ، وياويل اللي يحاول يلمسه .. احرق الدنيا لو احد فكر يأذيه ، او يمد أي شي داخل قفصه ويوجعه فيه ...

زعلت عمتي مني .. لما ولدها جاء وجاب عود وصار يدق به العصفور ، والعصفور يصرخ .. وكأنه يستنجد فيني ...

جيت على صراخه ... وضربت ولد عمتي على يده .. مع اني مااحب الضرب .. لكن كل شي اسويه عند عصفوري ...

وحطيت يدي بالقفص واخذته .. والله اني اضمه وأهديه .. لما سكت عن الصراخ ... وكأنه يعاتبني على اهمالي ..

وقتها حسيت انه يفهمني ... وزااااااد حبي له ..

وكنت منظمه وقته .. مره ألعبه ، مره يلعب لحاله ، مره اسويله رز ابيض >> يحب ياكل الرز الابيض ^_^ ، وكل اسبوع اروح السوبرماركت انوع له من الحبوب حقته ، واجيب فيتامينات .. ووقت الامراض والعدوى احط له مضاد حيوي خاص بالطيور بالماء حقه لاني اخاف يمرض ويموت ، وكل شهر يجي الدكتور البيطري يكشف عليه لاني اخاف عليه ...

كنت احممه بالصيف / بالاسبوع مرتين ... اما الشتاء كله مااحممه فيه ابداااا ...

ولما تجي مربعنية الصيف وأتأكد ان الدنيا حر أحممه .. لاني اخاااف عليه ...

وبيوم من أسوأ الأيام اللي مرت علي ..

مريت من عند قفصه ... بعد صلاة الفجر .. علشان أتطمن عليه كالعادهـ ... كنت كل شوي أمر عليه .. وبشويش علشان لايحس فيني وأصحيه لو كان نايم ..

ولما جيت عندهـ ..

لقيته مسجى وميت بالقفص لحاله ... حاولت اهز القفص ،،، حاولت اناديه ،،، انه يرد علي ..!!!

للأسف مارد علي ... جلست عنده على الارض ابكي ... وهالكلام تقريباً من 8 شهور ...

ماقدرت ألمسه لانه أصبح جيفه .. وماقدرت اودعه واحضنه قبل لايموت ... كل ذكرياتي كانت بالأمس

تعبت جداااا علشان اتعدى مرحلة غيابه ... لدرجة رحت لدكتور نفسي ..

وقعدت اقوله عنه ، واتكلم عن حبي له وتعلقي فيه ... حتى الدكتور حزني علي ، وتعاطف معي .. وشجعني على الخروج من حزني ،، وامي وابوي مااستغربوا من وضعي .. لانهم عارفين مدى تعلقي بعصفوري ومدى تعلقه فيني .. حتى لما كانت تطفي الكهرب كان يصدر صوت زي صوت الخايف .. وكنت اروح بسرعه افتح القفص ومعاي الكشاف واخذه بحضني .. لحد ماتفتح الكهرب .. بعدين ارجعه القفص .. والله ماكان يتحرك ويجلس ساكت بحضني لحد ماتفتح الكهرب ...


احس اني رجعت للحزن ثاني .. واحس ان دموعي حرقتني الآن .. حاولت أنساه لكني للآن عجزانه

تحياتي لعصفوري