عدنا بعد انقطاع ب..(ماضي الحب)

[الى من يهمها امري]

السلام عليكم ورحمة الله وبركاته
عدنا اليكم بعد انقطاع طويل لظروف يعلم بها الله وان شاء الله القصيدة تشفع لي عندكم وترقى الى رقي اذواقكم.بس انتبهوا للتنوين عشان تقروها صح

ياصاحبي باشكي لك الحال وابديه...............واعلمك باللي داخل الصدر يجرا
موج كسر مجداف قلبي وصاريه...............امواج هم ماهي امواج بحرا
واليا نشدتاني وش السبة وليه..................جاني من حبيبي صدود وهجرا
يوم اتذكر ماضي الحب واطريه...............استقبح الحاضر يا ليته ما يطرا
لا جاء الشتاء يجلس بحضني وادفيه...........وان جاء الربيع اعطيه ورد وزهرا
والصيف انا ظل من الشمس يوقيه.............وان جاء الخريف انثر له الود نثرا
في ضحكته يلقى المغني اغانيه................ومن دمعته ينزل على الارض قطرا
عرفت منه لذة العيش ومعانيه................واصبحت بعده اطعم الحلو مرا
حبه مثل وادي كثيره ضواريه...............والمشي في الوادي صعيب وعسرا
والا مثل بحر بعيده موانيه..................يتعبك موجه بين مد وجزرا
يوم عشقته ما حسبت المشاريه..............واثر المحبة بين ربح وخسرا
ويلاه من خل عشقته واداريه................عود يجافيني بدون اي عذرا
وش حيلتي في كبرياه وتعاليه...............ان جيت باعامله بالمثل ما اجرا
والله لو يطلبني الروح لاعطيه.............لرضاه هو يامر على روحي امرا

وسلامتكم