بعض من القواعد في اختبار الاستيب القادم قمت بتلخيصها

[أنفاس مشرقة]

السسسلام عليكم ورحمة الله وبركاته

صبآآح حليب بشآآهـــي :)


انا بجد ماليااا نفس اذاكر وبنفس الوقت خآآيفه ففتحت الورد وقعدت اكتب تلخيص بأهم القواعد اللي ذاكرتها


مثل قاعده if_المقارنه وعن الازمنه وعن علامة الترقيم بس كتبت عن الفاصله لان فيها كلام كثيـر .. وحروف الجر وادوات الرابط وقاعدة when / while.. وبعد ماخلصت منه ققلت بنزله في المنتدى ممكن احد يستفيد منه .. لاني انا ودي اطبعه وذاكر منه بدل ماطلع كل شوي في الكتاب ..



وهنا سئلت لاخت كاكاو عن الاختبار بشهر4 لانو الكل بيعتقد ان الاختبار راح يكون مشابه لاختبار شهر 4:.

شوفي ياقمر ...عارفة اغلب السماعي مكرر واذا سوو فيها يعني اني غيروا كلمات بسيطة فيها
يعني شوفي دائما يكرروا محادثة بين زبونه وصاحبة محل عن تيشرت تبغى تشتريه ...المهم الزبدة في المحادثة يحطون لونين مثلا الاختبار تبع شهر 4 كان لون وردي وابيض وكان الاختيار اللون الابيض هو إلي اشترته
في السنوات الماضية ومن خلال بحثي نفس المحادثة جابوها بس اللونين اصفر ورصاصي

وكمان يجيبوا عائله في مطعم وفي النهاية يسألوا كم كان عدد افراد العائلة ؟
مع انوا ترى ماذكروهم بالعدد بالضبط بس اثناء المحادثة عددهم كذا (زوج وزوجة وولد وبنت..حاجة زي كذا))
وكمان عندك محادثة عن رحلة طيران دائما يكرروها بس إلي يغيروا فيها التوقيت تبع الاقلاع والوصول؟؟ طبعا السؤال بالفهم يقولك كم كانت مدة الرحلة
طبعا انتي تطلعيه بفهمك إلي هو تحسبي متى اقلعت ومتى هبطت...
وكمان الاكل الصيني والايطالي بس والله ما اذكر اتذكر انهم حطوا الخيارات صيني وايطالي او ايطالي فقط او صيني فقط

يعني حاولي تركزين على مثل هذه المحادثات وابحثي عن المحادثات تبع الاستيب إلي جات في الاختبارات السابقه على الاغلب مارح يطلعوا منها واذا طلعوا يادوب بشيئ بسييييييط لكن المهم انك انتي تفهمي المفردات وتدربي كويس عليها

ولاتنسونا من دعواتكم .........ترى محتاجه دعواتكم


,,,,,,,,,,,,,,,,,,,,,,,,, الرد الثاني لها


اولا ادعي لي دعوه حلووووة ان الله يفتحها علي واقدر استوعب

شوفي ياقمر
بالنسبة للقطع جات قطعه عن اميرة هنغارية ويوم انها حطت خاتمها في الملح الحجري ويوم انها قلبت الدنيا عليه وفي النهاية حصلته في جدار او حاجة زي كذا...طبعا هذي اسطورة

المهم وجانا كمان قطعه عن النجوم والايس كريم ومحمد كلاي وابن سينا الباقي والله ما اذكر لأني بالاساس مافهمته بس اتوقع انها تبع الطعام واليابان


بالنسبة للقرمر........اكثر شي قاعدة if
وكمان when
whil
اكيد حروف الجر

وكمان for since ago

بعدين تحليل الكتابة بصراحة حاجات تافهه
الشي الصعب جابوا كلمات انقلش وقالوا ايش معناها
اغلب شي عن تخصصات طبيه
واحيانا تكون هالاسئلة تابعه لنفس القطعه
يعني متنوعه

بس عاد تعرفين اول مرة اختبر واتصدمت من الكم الهائل من القطع تخيلي تشوفي الدفتر كله حشوا كلام
واااااااااااي عقدني
وكمان اغلب الحل للقطع بالفهم يعني مو نفس إلي درسناه بالمدارس زمان
لا كل شي بالفهم
ومثلا therيعود على ايش بالقطعه وزي كذا تعقيييييييييييد
وبس وسلامتك

يعني انتي حاولي تجمعي القطع من النت وصدقيني مارح يطلعوا منها على الاقل يكون عندك حصيله مفردات ولغويه لللقطع إلي ممكن تجي
يعني ركزي عليها واحفظي المفردات الصعبه فيها وان شاء الله يارب تنوفق ونحل فيها ياررب




ونصيحه اخرى للعضوه كاكوو من الموضوع حقي انا بنسخ ولصق ^_^ لاني ودي الكل يستفيد ودعواتكم لها

من خلال بحثي بالنت عن طريقه تساعدني في حل القطع (الريدنق))
اولا : اقرأ اول برقراف يعني المقطع الاول والمقطع الأخير او اذا كانت قطعه صغيرة اقرأي أول سطرين وآخر سطرين
...طبعا هنا تقولون كيف نقرأ قراءة سريعه؟؟؟
انا اقولكم السر هنا.............
طبعا وانتم تقرأون خططوا بالقلم الرصاص على خفيف تحت الكلمات الواضحة وكمان التواريخ واللألوان والاسماء ....يعني زي كذا اشياء واضحة
اوكيه
بعدها نروح طوالي على الأسئلة ونشوف الأسئلة:
طبعا لازم يكون عندكم خلفية عن طريقة الاسئلة او الكلمات المكررة في الأسئلة
يعني مثلا
الفكرة الرئيسية
اختر عنوان مناسب للقطعه
متى عاش ومتى مات
مامعنى .....؟
على ماذا تعود.........he مثلا
ممكن يسأل عن السبب لشيء مثلا


((يعني لازم تترجموا كلمات مهمة تفيدكم في حل الأسئلة))
واذا واجهكم سؤال ماقريتوه اكيد رح يكون بوسط القطعه روحوا دوروا عليه هناك


وطبعا حاولوا تغنون حصيلتكم اللغوية بالمفردات
طبعا بالنسبة للقطع :
تكون فقرة علمية وفقرة تاريخية وفقرة فنية أو عن الصحة والطب
فقرة عن الطبيعه وفقرة عن قصة او اسطورة يعني خيالية


اتمنى اكون افدتكم ولو بالقليل بس بصراحة لقيت هذي المعلومات المهمة عن طريقة حل القطع وشرحتها باسلوبي لكم من خلال مافهمته

ولاتنسونا من صالح دعواتكم

طبعا لاتنسون اذا كتبتوا اي شيئ في الدفتر تبع الاسئلة لازم تمسحونه اوكيه
وطبعا الكتابة مهمة وخصوصا في السماعي خلو قلم الرصاص اضافي معاكم علشان اذا اتكسر القلم مافيه وقت تبروه وكمان المساحة وكمان لا اوصيكم اكتبوا خفييييييييف علشان تقدرون تمسحون بنظافه

واتمنى لي و لكم التوفيق يااااااااااااااااااااارب وانجح واجيب درجات عالية ياااااارب


وحطيت بالمرفقات بعض من القطع ..