لا تبخل علينا .. أدخل وأكتب خواطرك

[Mis hadooll]

الكلمه اللـي ساقـت قلـوب لقلـوب

مرت عليك وساقت الجرح صوبـي

مدري جناية حظ والا انهـا عيـوب

ياليـت ماهـي بالجنايـه عيـوبـي

جايز قصاص جروح لا جايز ذنوب

كلش يهـون الا انهـا مـن ذنوبـي

ياكثر ما أخطي واذكـر الله واتـوب

توبة نـدم واعاتـب النفـس توبـي

النفس خضراء لا لقت ذنب مرغوب

دوبي انا والنفس في حـرب دوبـي

والله غفور يسامـح الخلـق ويتـوب

والخلق في ليل السوالـف سروبـي

القهر ماهو حـق طالـب ومطلـوب

الموت نهش لحـوم ليـن اسرفوبـي

جايز لفوك وساقـوا العلـم مقلـوب

داري بهـم لا سولفـوا عذربوبـي

ويا كثر ماحطوا لي الفخ منصـوب

اهل القلوب الحاقـده فـي دروبـي

وياكثر ماسمع وانقلب تقـل مغلـوب

داري بهم وهم في جهلهم ما دروبـي

ما ودي ادخل في متاهـات ودروب

مع ناس كـم جاريتهـم وانتحوبـي

لهموم شرهة شخص غالي ومحسوب

مثلك عزيز ومحتمل لو حكـوا بـي

رد الخبر ياسايق الجـرح مكتـوب

من دون شرح اوجز فقط وش لقوبي

مصيبتي طيـب وعاقـل وحبـوب

والحقـد هـز قلوبهـم واهرجوبـي

المشكله اني على البعض مغصـوب

مثل الظلوع مقوسـه فـي جنوبـي

الحب كلمـه ساقـت قلـوب لقلـوب

هي ليه ؟ جتك وساقت الجرح صوبي

خذ علم يالغالي بعض كلـي عيـوب

الا الدنس يانظف عرضـي وثوبـي