لنستدرك ماابقي من الووقت........ياابطال(ب)

[جيزان]

المشاركة الأصلية كتبت بواسطة dr.ro0ody اختي جيزان عندي سؤال من فضلك << انتي بتقولي ماانقبلتي حاسب او ادارة واقتصاد وانا شوفت جدول النسب حق البنات عندهم اعلى شي طب اسنان بعدين طب بشري بعدين طب موازي بعدين علوم طبيه بعدين صيدله بعدين تمريض وبعدهم حاسب وبعدهم كليه العلوم وقفت على موزون 80 في الميه وادارة واقتصاد وقفت على موزون 79 >> امممم كليه العلوم اعلى من الادارة كيف ماانقبلتي ادارة ودخلتي علوم ياقلبي كليه العلوم فرعين فرع السليمانيه وقف على معدل 4 وبعده ادارة واقتصاد وقف على معدل 3.80 وبعدين كليه العلوم فرع الفيصليه اللي انا فيها وقفت اتوقع على معدل 3 << ماشاءالله حافظه ترتيب الكليات وبالنسبه لكليه العلوم اسمع فيها تخصص اسمو بايوكمستري اللي هوا كيميياء حيوي متخرجه منو بنت عمتي وتخرجت بمعدل عالي وكملت ماااستر فيلو ودحين تشتغل في مختبرات مستشفى السعودي الالماني وراتبها ماشاءالله 8 الاف ومرررة مبسوطه حتى الخطه الدراسيه فيلو مواد ايض وانزيم وطاقه حيويه وخلايا سرطانيه يعني قريب من الصيدله * ماادري اشوفوا افضل من الاحياء هوا كيمياء حيوي اول شي جدا صعب المواد مررة دسمه وبصراحه انا خوفت ادخله ,,, وكمان هوا التخصص الوحيد اللي يشترطوا بالمعدلات ويقبلوا فيه 50 او 60 طالبه بسس واخر الترم ماايبقى فيه الا 30 او 20 طالبه كل البنات يحولوا منه لانه مو اي طالبه تقدر تكمل فيه واشوف بنات معانا درجاتهم فيه مو تماام ويشتكوا منه عشان كذا شردت منه ,,, بس طبعا دام انك شاطرة ومجتهده وتحبيه وتدخليه عن رغبه ادخليه ( وانشاءالله مااتدخليه وتنقبلي اول رغبه صيدله ) وانا شخصيا لاني امووووووووووت بالكيمياء ومن التانوي احبها ودرجه الاختبار فل مارك راح تكون الصيدله اول رغبه لانها حلمي من المتوسط وكليه العلوم راح اخليها تاني رغبه عشان بايوكمستري لانو التخصص روووعه الله يوفقك ياارب وتدخلي رغبتك الاولى وبسم الله عليكي ماشاءالله عليكي احس انك بدايتك بدايه حااميه مع التحضيري ( اهم حاجه خليكي كذا واكثر وانشاءالله بعد فالك طب )

abo hagr مشكووور على اهتمامك الله يوفقك يااارب ويرزقك بأعلى المراتب الدنيا والاخرة وينور طريقك