لـــيش

[الحـ العيوف ـلم]

لبش جامعتنا كذا؟
ليش عقولهم صغيرة يهتمون بالأشياء التافهة وينسون اللي أهم منها؟
ليش قطعوا معظم الأشجار داخل قسم الطالبات والتي كانت معظم البنات يستظلون تحتها إذا طردونا من مبنى كليتنا؟؟
ليش الإهمال بشوارع الجامعة والاهتمام بتشجير وغرس الشجيرات على الطرقات التي تكون في واجهة المسئولين وكمان حول كلية الطلاب والمستشفى الجامعي فقط وأهمال المزبلة اللى في الغربيتين؟؟64:
ليش شوارعهم ما فيه أضيق منها ومساحة الأراضي التي بها ما فيه أوسع منها بمحافظة جدة كلها؟؟ليش ما يوسعون الشوارع ويفكونا من الزحمة؟؟
هل رجال الأمن ونساء الأمن ليسو من البشر ولا يحسون بالحر الشديد والبرد القارص اللي إحنا نحس به و إلا لان ظروف الحياة القاسية والتي حدتهم على هذا العمل صاروا يستاهلون ما يجيهم دون مراعاة إنسانية ولا شفقه؟
ليش ما يحطون لهم كوخ معتبر يليق بوظيفة في الجامعة وبه مكيف صحراوي ممتاز وكرسي للجلوس((مو مثل كرسي التحقيق)) يساعدهم على إداء مهنتهم بإخلاص؟؟
ليش صار مصلحة الجامعة فوق كل شئ000حتى اني أشك بدخول الرأسمالية لمجتمعنا عن طريق جامعة الملك عبدالعزيز ومن دون لاحد يحس؟؟
ليش صرنا بالجامعة ما نمشي الا بفلوس00هل هذا استغلالا لظروف الطالبة الجامعية وحاجتها لخدمات الجامعة؟
ليش الملازم اللي تصور بالمكتبة تكون أسعارها بـ 15و30و40 وبرا الجامعة تكون بـ6و10و12ريال >>>>شوف الفرق الكبير!!؟
ليش لما نطالب بإحضار موضوع من الإنترنت ونقصد المكتبة المركزية لذالك الغرض أو قسم الحاسب الآلي في كلية الإقتصاد والإدارة بعضهم اللي يصدنا ويغلق الباب في وجهنا واللي يسمح لنا بالتصفح( مثل المكتبة المركزية) لكن دون السماح بحفظه في ديسك وإذا أردنا طباعته يطلبون من نحن إحضار الورق ((ما كل هذا البخل))؟ مع العلم انه مو كل البنات بالجامعة لديهم حاسب في منازلهم والأغلبية لا تجيد حتى استخدامه وهم من مناطق بعيده عن جده!!
ليش تأخذ العربات التي تنقل الطالبة حيثما تشاء داخل قسم الطالبات ريالين على كل مشوار سواء كانت المسافة قريبه ام بعيدة؟؟ليش ما يكون تبرع من الجامعة لطالباتها وبالقيمة المقتطعة من مكافئاتنا؟؟
ليش الجلوس بإستراحة الطالبات والاستفادة من الشاشة التلفزيونية لعرض فلم تعليمي(( عاد من زين الشاشة وش صغرها كأني أويق من طاقة)) أو للمذاكره غير مسموح الا بدفع 20 ريال؟؟
ليش الدواليب اللي حاطتها الجامعة لتسهيل للطالبات عملية التنقل في أنحاء الجامعة لا تؤخذ الا بـ 20 ريال؟؟
ليش الدورات اللي تحطها الجامعة تكلفتها عالية أعلى مما تستطيع دفعها طالبة ميسوره الحال وأعلى من الخدمة التعليمية الضحلة المقدمة؟؟
وفي أثناء الدورة معظم الحاسوبات عطلانه أو الماوس ما يشتغل أو بعض الحاسوبات لم يتم تنزيل البرنامج بها((واللي المفروض أنا دافعة فلوس علشان أدرسة))!!
أين تذهب كل تلك المبالغ التي يتم دفعها إجباريا من كل طالبة ملتحقة بالدورة ((سواء كان التحاقها إجباري أم أختياري))؟؟
ليش ما يعطوننا شهادات لدراستنا في هذه الدورة عندهم حتى لو كان دخولي للدورة إجباري ودرجاتها تابعه لمادة اخرى؟؟
ليش ما يحطون للطالبات نادري كبير غير هالغرفة والسيب اللى حاطينها وفرحانين بها وتكون مفتوحة على مدار اليوم وتكون متضمنة أنشطة كثيرة وعديدة بدل الأراضي اللي تاركينها للقمايم وبالفلوس اللي يقتطعونها من مكافئة كل طالبة من كل شهر؟؟
ليش كل هالتعقيد في كل إجراءات الجامعة ووقت الطالبة ضيق؟؟
وعندي ليشات كثيرة ولكن اكتفى بهذا القدر من الليشات!!؟