طالبات السنتــــــــرا مستـــوى {3} , {4} , {5}

[سكون الورد k.a.u]

السلام عليكم ورحمة الله وبركاته ..

بدايه ارحب فيكم جميعاً ، واتمنى لنا جميعاً دراسه موفقه وممتعه بأحلى تخصص إنساني ، ومعدلات عاليه بإذنه تعالى ..

وبعد ..

مثل ماحنا متعودين كل ترم ولله الحمد نفزع لبعض وننزل الملخصات والأسئله والتخطيطات والتأشيرات >> (ماتقصد فيزا ^.^)
علشان نفيد الكل ، ونعين ونعاون لانه اذا حنا الأخصائيات النفسيات اللي نساعد الناس على أنفسهم مانسوى هالشي ولا نعين ولا نعاون بعضنا .. اجل منهو اللي بيسويه ؟؟!

علشان كذا انا قررت اني انزل مايخص موادي مع اساتذتي ..
ويد لحالها ماتصفق !!!
وابيكم انتوا لاهنتوا تساعدوني بهاالشي ^.^
لان في بنات يحضرون سنترا لكن بدون كتب ومايمديها تأشر؟!
وفيه بنات مايقدرون يحضرونها نهائياً !!

علشان كذا لابد من وقفتنا وقفة (أنثى وحدهـ) >> قياساً على وقفة رجل واحد

واللي عندها حُب مساعدة الآخرين ، والتفريج على المسلمين ، واللي فعلاً قَدرت تخصصها الإنساني ..
تحط يدها بيدي للفــزعه ..
وتجي تتكفل بالمواد اللي تبي تنزلها مع ذكر اسماء الاساتذهـ ، علشان نسوي تقسيم للمواد ..
والذي نفسي بيدهـ يابنات ان بعد مساعدتي للكل فتح الله عَلي وارتفع معدلي اكثر من اول بكثير تدرون ليه ؟
لان من يَسر على معسر يسر الله له ، ولان الله في عون العبد ماكان العبد في عون أخيه .. يعني تخيلوا لما الله عزوجل يعينك وش تبين اكثر من كذا ؟

ملاحظه / طبعاً الكل استغرب غيابي عن القسم ، بعد ماكنت اتواجد بكل موضوع والآن انعدم تواجدي .. وهالسبب يرجع إلى إني أقَدِر تخصصي الانساني وكنت اساعد مشرفنا goood man لحين يجي أحد يساعدهـ بعد اختنا مزون عابرهـ ..
ولما رُشحت شموعتنا الغاليه ، انا رفعت يدي لانها هي خير من يساعدهـ .. وحبيت آخذ استراحه بعد سنه كامله من الجهد المتعب ^.^ ،
لكن اذا حَضَرِت سنترا فتأكدوا ، سكون الورد لابد تحضر معهاااا للمســــــــاعدهـ ..

اتمنى منكم التفاعل يااحلى اخصائيات نفسيات ^.^

دمتم بود