صدمة عندما رأيت هذا الشي ...

[فــهــد]

ياجامعة الخير مسيتم بالخير
دخلت اول يوم القاعه لإختبار الإنقليزي وفجأة وانا اشوف شايب واقف في القاعه قلت بس ذا المراقب علينا يادكتور يا رئيس قسم المهم شوي وانا اجلس شوي وانه جاء وجلس جنبي بالقاعه قلت ذا بيريح شكله تعبان هالشايب مكروف من عيال وبيت وجامعة ودوام صباحي ومراقبه في الليل المهم شوي شوي طلع من جيبه قلم الرصاص الاتحادي الاصفر بالاسود قلت ذا وش يبي شوي شوي ويطلع بطاقته الجامعيه ومرتز بالصورة ومكتوب قدام اسمه اسم الطالب انصدمت ياللهول وش يبي ذا كبر ابوي ... وانا اقرب بخشتي له :
واقوله : كيف الحال
قال : بخير
قلت :ولدك وينه جايب له القلم الرصاص (( شكل ولدك نساهم فوق التلفزيون وهو طالع ولحقته فيهم )) <-- استهبل عليه
وفجأه
قالي وبصوت واحد مرتفعه ضغطه: ليه ماني معجبك انا زي زيك ..
كلنا طلاب (( مسوي شباب أبو الشباب ))
قلت له: لا قم فوق الطاوله ارقص علشان اصدق انك صغير .
قلت : ياشيخ شلون قبلووووك في الجامعه
قال: بفلوسي بـ الدراهم
قلت : بالله يعني حنا بلاش كلنا بفلوس بس انت شلون لقيت شهادتك الثانويه قبل تقدم شلون حصلتها بصندوقك القديم التنكه مو صندوق وحاط عليه قفل اصفر
قالي : انا متخرج من الثانويه قبل 10 سنين ليلي قلت حلو ورفعت اسمي بالانترنت وقدمت على موقع الجامعه <---- وهو يتكلم كذا قاطعته
وقلت له : اخوووص تعرف للشبكة العنكبوتيه .
قال : المهم شلونك بالانقليزي
قلت له : ليه
قال: ابيك تغششني
قلت : اخوص يالشايب بس بسئلك ماسويت براشيم
قال : عيالي كل امس في الليل يشرحون لي ماقصروا بس ماش ياوليدي مافي عقل يستوعب .
قلت : المهم خلك معي بس والنقطه اللي ماتعرف اختيارها اشر بيدك عليه وانا اقولك .
قالي : كفو .
المهم بدأ الإختبار وبدينا نحل وأنا افكر الجامعة تلعب علينا ولا شالقصه جميع الاعمار والسنوات مقبوله الا كل من رفع للجامعة بالتقديم قبل حتى اللي متخرج من سنة جدي قبلووووه !
المهم الشايب بدا يحل شوي اسرق النظر له والقاه مظلل الاجوبه كلها .
قلت إهب طلع دافور هالشايب
السؤال / على ماذا بنت الجامعة أسس القبول فيها بنظام الإنتساب ؟