استفسار من طالب مستجد,الرجاء المساعدة ...

[grand_1999]

السلام عليكم ورحمة الله وبركاته...

حبيت من الاخوة ذوي الخبرة انهم يساعدوني

انا هذي هي السنة الثانية لي في الجامعة لكني كنت في كلية اخرى غير كلية الهندسة
وطلبت تحويلي الى كلية الهندسة وتم تحويلي يوم الاربعاء 27\12\1432 بالضبط بعد صلاة الظهر,فاعتذرت عن الفصل الدراسي الحالي عشان ابدأ الدراسة من الفصل القادم

ولكني تفاجأت بعدما وصلني خبر قبل المغرب بساعة انو يوم الاربعاء هذا هو اخر يوم لإضافة مواد الفصل الدراسي الثاني فرحت على طول لكلية الهندسة وما حصلت ولامكتب فاتح كلهم مقفلين!!

-الحين ايش اعمل؟راح يفتحو الاضافة على الاوداس(علماً بأن اضافة المواد على الاوداس لم تكن موجودة من قبل) ؟ او اراجعهم يوم السبت بنفسي (فين اروح بالضبط) ؟

-كم عدد اقل واكثر ساعات ممكن انزلها سواء في الفصل العادي او الصيف؟

-انا سمعت انو في مواد لازم ادرسها عشان اتخصص,اذا هذا الكلام صحيح ايش هي المواد هذي ؟
-كمان سمعت انو في مواد ما اقدر ادرسها في الصيف؟؟

اسمحولي إذا اطلت عليكم لكن مثل ما قلت لكم اني طالب جديد وماني عارف ايش اعمل ياليت تساعدوني جزاكم الله خير ...