رحت عند الاستاذه مياده (حقت الحاسب ) قالتلي شي مهـم

[Blair]

السلالالالالام عليكم

كيفكم بنوتااااات وكيف المزاااااااااكره معاكم ان شاءالله عملتو كويس

رحت عندها قبل اسبوعين دوبي استوعب اكتبلكم اعذروني كلو من وحش السنترا

الاستااااااااذه ميااااااااااده مرررررره عسووووووله ومتفهمه وشرحها احلى شي ماشاءالله <<= خلصينـآ

ايوا رحت عندها وقالتلي انو الكتاب كلو خطوات بالتسلسل وشرح وكلام طويل بس انتي لو بتزاكري كويس ركززي على اساسيات الخطوات يعني بدال ماتفهمي الشرح الطويييييييل وتحفظي وتتعبي نفسك بس افهمي النقاط الاساسيه مثلا في برنامج الوورد كيف اشغلو اني اروح قائمه ابدأ, تشغيل
2- كيف انسق في برنامج الوررد مثلا : اني اروح من علامه التبويب بالصفحه الرئيسيه واضغط تنسيق << افهم النقاط الاساسيه بدال ما احفظ الشررررررررررح الطويييييييل الي يضيع الوقت

لانو الشرح بس مجرد شرح لك انتي خودي فكره عنو بس ركزي عالنقاط الاساسيه كمان عشان تختصري وقت في المذاكره والمراجعه

*وصيغه الاسئله تجيكي عالتعريفات وعالنقاط الاساسيه صح وخطأ واختيااااري

وقالت انو ابواب العملي لمن تذاكريها مو ضروري تطبقي عالبرامج في الجهاز بس لو تبغي تطبقي طبقي يزيد تركيزك اكتر ( لنفسك يعنـي )

وقالت انو الاختبار مو ذيك الصعووبه الي البنات مستصعبينها وبيشتكو منها بس قالت يمكن لانهم لمن ينقصو كم سؤال الدرجه بدرجتين فيشوفوه صعب لكنه يبغالو تركييييييز وحيكوون سهل بأذن الله << بس مو معناتو سهل يعني خلاص تذاكروه اي كلام لاآآآآآآآآ طبعااااااااااااااا مافي شي يجي بالسهل الا بالمذاكره وقبلها التوكل على الله

*الحاسب صح طويل بس والله لو تذاكروه حبه حبه زي ماقلتلكم وبتركيز حيكون حلو

وبس دا الي قالتلي هوااا ومعليش طولت عليكم بالكلام

* ماني مسؤوله عن اي شيء سويتوه بسببي وماناسبكم بس حاولت افيدكم بألي اقدر عليه ^^

واتمنى دعوووووه في ظهر الغيييييب اني اجيب معدل اربعه