~~ شــــــتــــــات ~~ ♥ مُصرهـ علـى قــراري ♥..

[مصره على قراري]

ليه دايما علاقاتنا مبنيه على المواقف؟؟!

موقف يحصل يخلينا ننسف كل التاريخ الي بينا بلحظه..!

مع انه لو فكرنا شوي
رح نشوف ان هالشخص الي احنا الحين ....مضايقين منه
كان سبب سعادتنا بيوم من الايام

جمله قرائتها ايام المتوسط واثرت فيني كثير
(بين الموقف ورد الفعل مده تحدد معدنك ورجاحة عقلك)

ومن يومها وانا اتعمد اني استحضر كل المواقف الجميله الي تربطني بالاشخاص في عز المشكله بيني وبينهم

لان مافي شي يسوى

بهالتصرف انا ما اذل نفسي واعتذر على اخطاء ممكن تكون كبيره بحقي
بقدر ما ان هالتصرف يعطيني القدره على ايجاد اعذار ويسهل علي قبول (الاسف) لو حصل
ولو ما حصل يريح قلبي من موقف ممكن يزرع فيه ....الحقد


//