ماحصل في مراجعه بحوث عمليات للاستاذه نسرين ملا

[حنين الذكريات11]

المشاركة الأصلية كتبت بواسطة تغاريد في الفصل الرابع مثال رقم 6 صفحه 174 فقرة 5 طلع الجواب الصحيح بالكتاب فقرة أ طيب الاستاذه قالت لو جاكم السؤال فيه لكي يصبح من المجدي انتاج او لكي يصبح من المربح انتاج اعرفوا انه يبغى التكلفه المخفضه ليش مااخرتنا ج مو تعتبر تكلفة منخفضة ولا كيف ...؟؟؟؟ وايش القيود المحكمة وغير المحكمة ؟؟ مااعرف فيهم شيء احس عقلي مو في راسي من البحوث مساعدتكم الله يسلمكم ..

حبيبتي هدي نفسك وسمي بالله وركزي معي ترى الماده سهله بس يبغالها تركيز شوي

ارجعي لتعريف التكلفه المخفضه ص 150 يعني مو لازم اسمها مخفضه تكون دايما بالنقصان اوك كدا متفقين
دحين نرجع لسؤالك احنا اخترنا أ لأنه رجعنا للجدول الاول بتحليل الحساسيه ص 176 يعني ترتيبه الثالث من اول الصفحه
لاحظي اخر سطر بالجدول قناه التوزيع عن طريق البريد مكتوب تحت الزياده الممكنه Allowable Increase رقم 45 لكن تحت النقصان الممكن Allowable Decrease مو مكتوب رقم صح
طيب نشوف القائمه اللي قبل الزياده والنقصان Objective coefficient الرقم 60
نجمع الان الـ 60 + 45 =105 اذا نختار الخيار أ

يارب تكوني فهمتي علي


وبالنسبه للقيود المحكمه هي اللي يكون Slack = صفر دوريها اخر عمود بالجدول اللي فوق تحليل الحساسيه
والغير محكمه يكون Slack اكبر من الصفر تلاقي دا الشرح موجود بورقه في موقع الاستاذه عنوانها شرح تفصيلي لتقرير الحل مثال 4 -4


شوفتي كيف سهل

الله يسهلك يارب ويشرح صدرك

دعواتك