::..نــداء الى الأخـــت اضـــاءات..::

[عاشقة الندى]

السلام عليكم ورحمة الله وبركاتهــ

اختي العزيزة اضاءات معليش مضطرة اكتب موضوع خاص لكي لانو خاصية الرسايل عندك ماتشتغل(( وترا لافيها ازعاج ولاحاجة ))...
وماعرفت ايش اسوي غير اني اكتب الموضوع هنا..
اعذروني ياخوان ويااخوات ويامشرفين ويامشرفات انا عارفة انو الموضوع مالو علاقة بالقسم ...
بس ايش اسوي ماعندي غير دا الحل وعالعموم الموضوع صار للجميع وهو يمكن تستفيدو من تجربتي..
شوفي ياستي انا اخدت الدبلوم قبل تقريبا سنتين من معهد نيوهورايزن ..
يعني دحين ايش صار بالضبط وايش اتغير عندهم ماعرف...
وردا على سؤالك نعم انا درست جميع مواد السيسكو لانها اختصاصنا ولكن الشهادة الدولية حقتها انتي تقدمي عليها بفلوس طبعا خارج عن الدبلوم واللي اعرفو انو مو اي احد يقدر ياخدها يعني يبغالها شخص فاااااهم مزبوط وعندو خبرة بالشي دا..
انا عن نفسي قدمت على شهادة +a وطبعا هيا اختبارين اول شي السوفت وير وبعدين الهارد وير
الاختبار حق السوفت وير محد نجح فيه غير وحدة يعني اختبار مو اي احد ينجح فيه بسهولة رغم انو كان نفسي اخد شهادتها لانها شهادة تقدمها ليكي شركة ميكروسوفت وفيها مميزات مرة حلوة بس نصيب...

وطبعا ياستي اول مارحت قدمت عندهم قالولي انهم بمجرد ماتخرج راح يدورولي على وظيفة او يوظفوني عندهم ودا الشي شجعني اكثر بس لما تخرجت من عندهم محد فيهم طل في وجهي رغم اني اتخرجت بمعدل جدا عالي ومرتفع ..
وطبعا الشهادة حقتهم معتمدة من جامعة الملك سعود وقالولي تقدري تكملي البكالوريوس عندهم ولما تخرجت قلت يالله يابنت روحي كملي في جامعة الملك سعود اكيد راح يحسبولي شهادة الدبلوم حقتي وطبعا انسي وضعك مارضيو ولاحاجة وقالولي تدرسي من اول وجديد...

امممممممممممممم بالنسبة للاسعار انا الدبلوم حقي كان 24 الف وفي تخصص شبكات بس داك سنة وحدة انا دبلومي سنتين يعني في فرق ..
بس عالعموم هما يحسبو الساعة بــ 400 يعني لو المادة كانت ساعتين حتدفعي 800 ....

وبس ياستي دا كل شي افتكرو وان شاء الله اني اكون افدتك واي سؤال انا في الخدمة...