مين مديرة قسم الحاسب يً صبآيآ ؟! / + فضفضه =(

[سفن آم]

السلام عليكم ورحمة الله وبركآته
كيفكم صبآيآ
إن شآء الله بخـــير

بدخــــل دووغري
بصرآحه يً بنات
عمومًـآ ايش رآيكم في درجات اللاب حق البرمجه ؟!
مع أ / عظمى ؟!
قسم بالله شي جاب لي مغص في قلبي
بششكل عام الدرجات سيئه
في كم بنت درجاتهم حلوه مً شآء الله عليهم تبارك الرحمن

شوفوا يً بنات
انا مستحييييييييييييل اسكت
اللي قاهرني انو ارسلها وترد بعد سنه وذحين مطنشه
قصتي هيا
انها معطيتني في المناقشه 8 من 10 !!!!!!
ليييييييييش ؟
اوكي هذي بلعناها معليش يمكن كلجت عشان انجلش <~ ولو انها ما تنبلع
لكن نجي للاب وورك
اعطتني 1 من 5
خيييييييييييييييييييييييييييييييييييييير
والله لو مً احضر معاها
ابغى اعرف على اي اساس اعطتني الدرجه ؟
وعلى فكره مو بس انا =(
ارسلت لها اول ما شفت الدرجه وقلت لها كيف كذا مستحيل انا احضر معاك وبحل معاك
اتاكدي يا مس يمكن فيه غلط
وطنشتني
رحت لها اليوم ما لقيتها
لما رجعت كتبت لها مرا ثانيه ردي عليا يً مس انا بستنى
راحت قالت لي انو الدرجه هذي نهائيه وما تتغير وهي على حضورك واداءك في الكلاس
لاااااااااا مستحيل اكيد تمزح
فين كنت انا يعني ؟ !!!!!
انا مصدومه من جد مو قادره اتخيل درجتي خصوصا انها ظلم

قمت ارسلت لها انو
لاااااااا مستحيل يً استاذه
انا متأكده انو انا بشتغل معاكي
وصح كمان
وعندي صور من شغلي اوريكي هيا
انا كنت بصور في الكلاس الشغل
وقلت لها 6 درجات هذي ممكن تطلع مستوى كااامل
وكلام مرا كثير
وما ردت
وتوي ارسلت لها يً مس انا بستناكي
وبرضو مطنشه
ايش اسسسسوي
اروح امووت يعني عشان تصدقني
انا عندي اثبات اني كنت احضر واشتغل بس مي راضيه ترد عليا
قسم بالله يً بنات
3 مرآت سألتها عن هذا الشي
مره قلتلها يً مس الشعبه اللي قبل قالو انك سويتي تشك على كل بنت واحنا م سويتي لنا
قالت دونت ووري ك العاده عادي وما فيها شي
المره اللي بعدها رحت لها وقلت لها يً مس انا كنت غايبه المحاضره اللي فاتت عندي ظروف
قالت لا تهتمي للاتندس مو مشكله وقلت لها العمل قلت مو مشكله
المرا الثالثه كنا انا وصحباتي حضرنا مع كلاس غير معاها
وطلعنا
بعدين اتذكرنا اننا ما حضرنا
ورجعنا لها وقلنا لها يً مس اعطيني ورقة الحضور نسينا نحضر نفسنا
قالت لا عادي خلاص مو مهم ودونت ووري <~ دونت ووري هذي دااااااااااااايمن

قولو لو ايش اسوي ؟
انا ابغى اروح عند اي مسؤوله
بلييييييييييييز من اكبر مسؤوله في قسم الحاسب اروح لها ان شاء الله الاحد
وحروح مع مجموعه من صحباتي كلهم يشتكو من نفس الحاله
ولو شافونا كثير اكييييييد حيعيدون نظر في الدرجات ويعطونا حقنا الحقيقي
=(


معلييش ادري وجعتلكم راسكم بس اتحملوني =(
من القهر اللي فيني والله

واللي تعرف مكتب المديره لللقسم بلييز لا تبخل عليا =((((

يسلموو لانكم قريتو موضوعي المزعج =(