معضلتي مع البنات و الدراسة..

[LeLou]

المشاركة الأصلية كتبت بواسطة روووني الله يعيننا بس ع دي الاشكال بس والله انتي اهون مني احكيك ع موقفي مع صاحباتي استازتنا في الدوري الاول جابتلنا اسئله صعبه مرره ونقصنا مرره كتير قامت بعد الدوري بكم اسبوع عملتلنا اختبار بونس من 3 درجات وانا اصلا الدوري الاول كنت ناقصه 4 درجات ونص قلت فرصه يا بنت المهم انها عملت الاختبار فجأه بدون ماتقولنا قبلها وجابت قضيه طويله نحلها في 5 دقايق طيب والقضيه ماهي صعبه بس طويله وفيها 3 اجزاء نحلها يعني الا مايطلع عندك شي صح والاستازه اصلا تاخد بالفهم المهم وقت الاختبار تلاقيني اقرأ القضيه بسررعه واحاول احلها تجي صاحبتي اللي ورايا روني روني روني بسرعه نقليني الاجابه روني روني روني وطول الوقت وهيا تناديني وانا ااشرلها استني شويه خليني احل وبعدين انقلك مرره مو راضيه وااشرلها خليني اكمل وهيا ولاهمها فيني المهم هيا تحل مو انا وصاحبتي اللي جنبي كمان طفشتها وتنادي اسامينا ونأشرلها استني ولا همها والمشكله انو من يوم مابدينا نحل وهيا تنادينا حتى ماشكلها قريت السؤال وحاولت تحلو وطبعا سرت احل بسرعه عشان الوقت وعشان انقلها وتسكت وكلو خايفه من الاستازه لاتنتبه لنا وتسحب الورقه مننا المهم اني حليت اي كلام وكم مرره اغير الاجابه واختكم في الله مازالت تنادي اسمي وخلص الوقت وسلمت الورقه وانا ماني مقتنعه بالاجابه وروحت لصاحبتي انقلها بسرعه رغم انو غش بس قلت خلاص اساعدها حرام نقصت في الاختبار الاول كتير وبعد ماسلمت ورقتها وخرجنا تخيلي ايش تقولي ؟!تقولي ايوا ماتغشيشينا ماهمك الا نفسك وبس وبصراخ كمان وبأسلوب اقل مايقال قليل ادب قمت قلتلها انا اشرتلك انك تستني لحد ما اخلص تقولي لا ما أشرتي!!!اولا انا مو ملزمه لا اغششها ولا حتى ااشرلها بس ماقلتلها دا الكلام قلت معليش يابنت صاحبتك اتحمليها هيا زعلانه لانو درجاتها طايحه في الماده وكدا بس بعدين اكتشفت انو الانسانه المتواكله لازم تديها ع راسها مو تسكتيلها وطبعا البونس جبت فيه درجه مخزيه يمكن 1 او 1.5 من 3 بسببها بس خلاص الواحد ايش يقول غير الحمدالله وكمان التكاليف الجماعيه مرره ما احوبها لانو يسر فيها تواكل واعتماد على الغير غير طبيعي

الله يعينك..
قريت قصتك..

بصراحة أنا أكره ما على قلبي الغش لأنه من جد أخذ لتعب الغير و ظلم و غير عدل على الإطلاق..
أنا لو مكانك أنادي لها الاستاذة من غير تردد و أعلى ما في خيلها تركبه..
أما من جد وقاحة عيني ما شافت زيها..
لو مكانك أقول لها بكل برود أعصاب و أنا من متى موكلة بيك و كمان ليش حضرتك ما تذاكري عشان تعرفي تحلي حتى دي تبغيني أتحمل لك مسؤوليتها..

من جد شي يرفع الضغط..
الله يبعد عننا الناس دي و يدينا على قد نيتنا..

الله يعيننا إلين ما نتخرج كيف حنتحمل الأشكال هذي..

الله يوفك يا رب||~